Page 24 - Tarey Vesos_Макет 1

Tarey Vesos
– Hә?
Unn:
– Mәn istәyirәm... – deyib qızardı.
Sissin yanaqları yanırdı.
Unn Sissin gözlәrinin içinә baxa-baxa tәlәsik dedi:
– Sәn mәndә nәsә sezdin?
Sissin yanaqları daha da alışıb-yandı.
– Yox.
– Mәn sәnә bir söz demәk istәyirәm.
Unn yenidәn davam etdi. Siss heç vaxt onda bu sәsi eşitmәmişdi.
Siss nәfәsini dә içinә çәkdi.
Pauza. Sonra Unn dedi:
– Bunu heç vaxt heç kimә demәmişәm.
Siss güclә dillәndi:
– Bәs anana necә, deyәrdin?
– Yox!
Sükut.
Siss gördü ki, Unn tamam hәyәcan içindәdi. Deyәcәkmi?
Siss, az qala, pıçıltıyla soruşdu:
– İndi deyәcәksәn?
Unn azca belini dikәltdi:
– Yox!
– Yox, yox da.
Yenidәn sükut. Heç olmasa, kaş indi xala gәlib çıxaydı.
Siss onu tәrpәtmәk istәdi:
– Amma әgәr.
– Yox, bacarmaram!
Siss inad etmәdi. Tapmaca yağışına düşdü, amma hamısını
rәdd etdi. Yalnız ümidsiz halda soruşa bildi:
– Elә bunu demәk istәyirdin?
Unn başını tәrpәtdi.
– Hә, elә bunu.
Unn sanki yüngüllәşib bir dә başını tәrpәtdi. Elә bil artıq hәr
şey arxada qalmışdı. Bu gün daha heç nә olmayacaq. Siss dә
özündә bir yüngüllük hiss elәdi. Bununla yanaşı, ikinci bir hiss
24