Page 19 - Tarey Vesos_Макет 1

Buz qəsr
– Yazda anam xәstәlәnib öldü. Cәmi bir hәftә xәstә yatdı.
Sonra öldü.
– Elәmi?..
Yaxşı ki, bu sözlәr deyildi. Sanki otağın havası da yüngüllәşdi.
Unnun indi Sissә dediklәrini bütün qonşular bilirdi. Unn yazda
bura gәlәndә xalası bu haqda vә başqa çox şeylәr haqda danışmışdı.
Mәgәr Unn bunu bilmir? Amma bununla belә, indi, dostluqlarının
tәmәli qoyulan bir vaxtda bu haqda mütlәq danışmalıydılar.
Amma bu, hәlә hamısı deyildi. Unn soruşdu:
– Sәn mәnim atam haqqında nәsә bilirsәn?
– Yox!
– Elә mәn dә anamın danışdığı xırda-para şeylәrdәn başqa,
heç nә. Onun maşını da olub.
– Yәqin.
– Niyә belә deyirsәn?
– Axı... çox adamın maşını var.
– Hә, әlbәttә. Mәn atamı heç vaxt görmәmişәm. Bu dünyada
olub-qalan bircә xalam var. Hәmişә xalamla yaşayacam.
Hә! – Siss anladı. Unn hәmişәlik burada yaşayacaq. Unnun
parlaq gözlәri var. İlk görüşlәrindә olduğu kimi, Siss yenә
baxışlarını o gözlәrdәn çәkә bilmir.
Daha valideynlәrdәn danışmadılar, Siss öz ata-anasının adını
belә çәkmәdi. Әmin idi ki, Unn onlar barәdә hәr şeyi bilir. Bilir
ki, onlar yaxşı bir evdә yaşayırlar, atasının yaxşı işi var vә heç
nәdәn korluq çәkmirlәr. Demәli, danışmağa sözü dә yox idi. Unn
da sual-zad verib-elәmәdi. Sanki yetim olan Unn yox, Siss idi.
Amma bacı-qardaş söhbәti yaddan çıxmadı.
– Siss, bәs sәnin bacın, ya qardaşın var?
– Yox, mәn tәkәm.
Unn:
– Bu, yaxşı oldu, – dedi.
Siss Unnun nәyә eyham etdiyini dәrhal anladı. Demәli, o,
hәmişәlik burada qalacaq. Gәlәcәk dostluqları ona uzaqlara
uzanan hamar yol kimi göründü. Nәsә mühüm bir hadisә baş
vermişdi.

19