Page 15 - Tarey Vesos_Макет 1

Buz qəsr
3

Cәmi bir axşam

Yәqin, Unn pәncәrәnin qabağında dayanıb onu gözlәyirmiş.
Çünki Siss hәlә evә yaxınlaşmadan әvvәl çıxıb kandarda
dayanmışdı. Unn şalvarda idi, dәrsdәn sonra әynini dәyişmәmişdi.
– Qaranlığa düşdün? – soruşdu.
Siss:
– Qaranlığa? Qorxulu bir şey yoxdu, – dedi, amma doğrudan
da, qaranlıq meşәylә yol gәlmәk vahimәliydi.
– Hәm dә soyuğa. İndilәrin şaxtası elә dözülmәzdi ki, lap
dәhşәtdi.
– O da qorxulu bir şey deyil.
Unn:
– Nә yaxşı ki, gәldin, – dedi. – Xalam deyir, sәn bura cәmi
bir dәfә, hәlә uşaq olanda gәlmisәn.
– Yadımdadı. Onda sәnin haqqında heç nә bilmirdim.
Danışa-danışa bir-birlәrini gözdәn keçirirdilәr. Xala xoş
tәbәssümlә onların qarşısına çıxdı.
Unn:
– Bu da mәnim xalam, – dedi.
– Axşamın xeyir, Siss. Tez evә keç, burada dayanma, soyuqdu.
Qızım, içәri keç, әynini soyun.
Xalanın sәsi tox vә xoş idi. Balaca, isti evә keçdilәr. Siss
donmuş uzunboğazlarını çıxardı.
Xala soruşdu:
– Yadındamı, bu evә gәlәndә buralar necәydi?
– Xeyr.
– Burada heç nә dәyişmәyib, hәr şey әvvәlki kimidi. Mәn
yaxşı xatırlayıram, sәn bura ananla gәlmişdin.
Aydın görünürdü ki, xala danışmaq istәyir. Axı belә imkan
әlinә nadir hallarda düşürdü. Unn qonaqla tәk qalacağı anı
gözlәyirdi. Amma xalası hәlә ürәyini boşaltmamışdı.
– Sonra da sәni ancaq tәsadüfdәn-tәsadüfә görürdüm, Siss.
Әlbәttә, sәnin mәnimlә nә işin ola bilәr? Amma indi bir halda ki
15