Page 12 - Tarey Vesos_Макет 1

Tarey Vesos
Unn:
– Daha mәndәn bu haqda heç nә soruşma, – dedi.
Sissin sanki üstünә su atdılar. Susub incik halda özününkülәrin
yanına qayıtdı vә bu söhbәti onlara da danışdı.
Daha Unnu çağırmayıb rahat buraxdılar. O, әvvәlki kimi
kәnarda dayanıb onların oyunlarına qoşulmurdu. Kimsә dedi ki,
Unn hәmişә burnunu sallayıb gәzir, amma ona dәstәk verәn
olmadı vә yeni şagirdi incitmәk istәmәdilәr. Bu qızda elә bir şey
vardı ki, hamını ovsunlamışdı.
Dәrs zamanı tezliklә mәlum oldu ki, Unn sinifdә әn
dәrrakәlilәrdәn biridi. Amma özünü çox sadә aparırdı vә hamı
istәr-istәmәz ona hörmәtlә yanaşırdı.
Siss bütün bunları yaxşı görürdü. Hiss elәyirdi ki, mәktәbin
hәyәtindә tәk-tәnha dayanıb-duran Unnda nәsә izaholunmaz bir
qüvvә var. Unn qәtiyyәn yazıq vә zavallı qız deyil. Siss başçılıq
elәmәyi xoşlayırdı vә bu, onda alınırdı. Amma bununla yanaşı,
hiss elәyirdi ki, әlini ağdan-qaraya vurmasa, yanında heç kim
olmasa belә, bir kәnarda dayanıb-durmuş Unn ondan güclüdü.
O, get-gedә Unna uduzurdu. Ola bilsin, rәfiqәlәri dә bu fikirdәydi,
sadәcә, bu yeni gәlәn şagirdә yaxınlaşmağa ürәk elәmirdilәr.
Unn vә Siss sanki sükutlarıyla, söz demәdәn iki dәstә yaratmışdılar
vә bu rәqabәt yalnız onların ikisinә aid idi.
Tezliklә Siss dәrs vaxtı ara-sıra Unnun ona baxdığını hiss
elәdi. Unn bir neçә parta arxada otururdu, odur ki, Sissә baxmaq
onun üçün daha rahat idi.
Bu zaman Sissin sevincdәn bütün bәdәni әsirdi. Bu baxışlar
ona elә xoş gәlirdi ki, hәtta sevincini güclә gizlәdә bilirdi. Üzdә
göstәrmәmәyә çalışsa da, hiss elәyirdi ki, hәyatına nәsә yeni,
yaxşı bir şey daxil olub. Unnun baxışları sınamırdı, yaxud
qısqanmırdı, Siss bu baxışlarda bir tәşәbbüs görürdü. Vә bir dә
gözlәnti. Sinifdәn çıxanda isә Unn özünü әvvәlki kimi aparırdı,
yenә tәk-tәnha divarın yanında dayanıb-dururdu.
Amma Siss yenә sevincin әvvәlki tamını hiss elәyirdi: “Unn
yerindә oturub mәnә baxır”.
12