Page 21 - Tarey Vesos_Макет 1

Buz qəsr
Sonra biri dedi:
– Yәqin ki, heç nә olmadı.
– Әlbәttә, olmadı.
– Amma qәribәdi.
Tәbii ki, nәsә baş vermişdi vә o nәsә heç hara qeyb olmamışdı,
sadәcә, onu özlәrindәn kәnarlaşdırmaq istәyirdilәr. Unn güzgünü
tәzәdәn yerinә qaytarıb sakitcә oturdu. Hәr ikisi susub gözlәyirdi.
Onların yanına gәlmәk üçün bağlı qapını da döyәn yox idi. Xala
onları narahat etmәk istәmirdi.
Unn çox rahat idi, amma Siss ona baxanda hiss elәyirdi ki,
bu rahatlıq üzdәndi. Qәflәtәn Unn sanki onu sınağa çәkәrәk:
– Qulaq as, gәl soyunaq! – dedi.
Sissin ürәyi qopdu vә gözlәrini Unna zillәdi:
– Soyunaq?
Unn sanki bu tәәccübü hiss etmәdi:
– Hә, elәcә soyunaq. Maraqlıdı axı, elә deyil?
Vә dәrhal da özü soyunmağa başladı.
– Әlbәttә.
Bu tәklif Sissә dә maraqlı göründü, o da tez-tәlәsik әynindәki
paltarları çıxarmağa başladı – Unnla ötüşә-ötüşә, onu ötmәk
istәyә-istәyә.
Unn daha әvvәl başlamışdı vә birinci oldu. Otağın ortasında
çıl-çılpaq dayandı.
Bir neçә saniyәdәn sonra Siss dә çıl-çılpaq gәlib onun yanında
dayandı. Bir-birlәrinә baxdılar. Qısa sürәn qәribә an.
Siss nәsә bir hay-küylü oyuna başlamaq istәdi – yoxsa nәdәn
belә bir iş tutmuşdular ki – amma hansı oyuna, özü dә bilmәdi.
Vә dayandı. Unnun onun üzәrindәki ani baxışlarını, üzündәki
hәyәcanı sezdi. Yox, Unn lap sakit idi. Bütün bunlar bir neçә an
çәkdi. Unnun sifәti açıldı vә Siss dә rahatlanıb yüngüllәşdi.
Girişsiz-filansız, nәsә qәribә sevinclә Unn dedi:
– Brr, Siss, amma soyuqdu, gәl geyinәk.
Vә özü paltarlarını götürdü.
Siss tәrpәnmәdi.
– Oynamayacağıq?

21