Page 26 - Tarey Vesos_Макет 1

Tarey Vesos
İlahi, özünü necә aparmalı, nә etmәli, bütün bu vәziyyәtdәn
necә çıxmalı olduğunu bilmәyәndә adam necә mәnasız sözlәr
danışır. Buradan qaçıb getmәk lazımdı.
Unn Sissin sözlәrinә qımışdı. O, bu oyuna qoşulmaq istәdi:
– Әlbәttә, imkan vermәk olmaz ki, sәnin burnunu don vur-
sun.
Siss söhbәtin mәcrasının dәyişmәsinә sevindi.
Hәr ikisi çox ağır mövzunu arxada qoyduqlarına görә canlarında
bir yüngüllük hiss elәdi.
Unn qapını açıb әmrlә:
– Otur, – dedi, – indi sәnin paltonu gәtirәrәm.
Siss sanki tikan üstdә oturmuşdu. Yox, burada qalmaq
tәhlükәlidi. Kim bilir, Unnun ağlına daha nә gәlә bilәr?
Amma o, hәmişә Unnla birlikdә olacaq. Hәmişә. Evdәn
çıxanda ona deyәcәk ki, o biri görüşümüzdә sәni bir az da artıq
tanıyacağam. Bәs o biri görüşü nә vaxta istәyirsәn? Bu axşam
olanlar kifayәtdi. Hәtta hәlә çoxdu. Bundan artığına dözmәk
olmazdı. Evә, özü dә tez. Yoxsa hәr şey alt-üst olar. Mәnim
gözlәrimdәn onun gözlәrinә, onun gözlәrindәn mәnim gözlәrimә
zillәnәn parıltı da.
Unn onun paltosunu vә uzunboğazını gur yanan sobanın
yanına qoydu.
– Qoy bir az isinsin.
Siss geyinә-geyinә:
– Yox, gәrәk evә tәlәsәm, – dedi.
O geyinәndә Unn sakitcә müşahidә elәyirdi. Daha don vurmuş
burun barәdә zarafatlaşmaq istәmәdilәr, tәzәdәn hәyәcanlı
görünürdülәr. Ayrılanda, adәtәn, dildәn çıxan “tezliklә yenә
görüşәrik”, yaxud “bu dәfә sәni bizdә gözlәyirәm” kimi sözlәr
demәdilәr. Bu, heç ağıllarına belә gәlmәdi. Aralarında olan hәr
şey olduğu kimi qorunub qaldı. Belә üz-üzә qalanda hәr şey yenә
yaman çәtinlәşir.
Siss artıq geyinmişdi.
– Niyә gedirsәn?
– Dedim axı gecdi.

26