Page 30 - Tarey Vesos_Макет 1

Tarey Vesos
Unna nә olub, görәn?
Dayandı.
Unna nә olub, görәn?
Yenidәn qaçdı. O, arxasınca gәlirdi. Biz yolun hәr iki
tәrәfindәyik.
Qaç!
Siss qaçırdı. Gölün harasındasa buz möhkәm sәs çıxardı vә
uzunboğazları donmuş yolu taqqıldatdı. Bu, onu bir qәdәr
sakitlәşdirdi. Әgәr adam öz addım sәslәrini dә eşitmәsә, lap
havalanar. Sürәtlә qaçmağa heyi qalmamışdı, amma bununla
belә, yüyürmәyә davam elәyirdi.
Nәhayәt, evin pәncәrәlәri göründü.
Nәhayәt.
Çöldәki fәnәrin işığına qәdәr qaçmaq.
Onlar qeyb oldular – yolun hәr iki tәrәfindә olan vahimә
sanki mızıldana-mızıldana, işığın әhatәsindәn kәnarda, geridә
qaldı.
Siss evә – anasının, atasının yanına gәlib çıxdı. Atası kәnddә
hansısa kontoru idarә elәyirdi vә indi öz kreslosunda әylәşib bu
rahat ev şәraitindә dincәlirdi. Anası, adәtәn, hәmişә asudә
vaxtlarında olduğu kimi, oturub kitab oxuyurdu. Hәlә yatmaq
vaxtı deyildi.
Onu ölgün vәziyyәtdә, büsbütün qırov içindә görsәlәr dә,
dәhşәtlә yerlәrindәn atılmadılar. Öz kreslolarında otura-otura
tәmkinlә soruşdular:
– Siss, sәnә nә olub?
Zәnlә onlara baxdı. Doğrudanmı hәyәcan keçirmirlәr? Yox,
azca da. Әlbәttә, vahimә ancaq onun canındadı, onun – bütün yol
boyu qaçan Sissin.
– Siss, sәnә nә olub? – yenә hәyәcansız-filansız, tәmkinlә
soruşdular. Bilirdilәr ki, onsuz da, heç nә demәyәcәk. O, evә
boğula-boğula, әzab içindә qaçıb gәlә bilmişdi, paltosunun yuxarı
qaldırdığı yaxalığı büsbütün buz bağlamışdı. Amma onlar başqa
söz tapa bilmәdilәr.
– Nәsә olub?

30