Page 37 - Tarey Vesos_Макет 1

Buz qəsr
Tәxmin etdiyi kimi, bu ertә vaxtı buzun üzәrindә ins-cins
yox idi. Az sonra uşaqlar qaçıb gәlәcәk. Onlara burada keflәri
istәyәn qәdәr oynamağa icazә verirlәr: buz qaya kimi möhkәmdi.
Azca da tәhlükә yoxdu. Gölün ucu-bucağı görünmür, burada
nәhәng buz meydançası әmәlә gәlib.
Sahildә dayanıb şәffaf buzun içәrisinә baxmaq maraqlıydı.
Unnun cәmi on bir yaşı var vә o, әlavә işıq düşmәsin deyә
sifәtini әllәriylә örtüb üzüqoylu buzun üstündә uzana bilәr.
Onda adama elә gәlir ki, yuyulmuş pәncәrәdәn içәri baxır.
Günәş indicә çıxdı, onun çәp, soyuq şüaları buzu dәlib
keçәrәk gölün lillә, daşlarla vә hansısa bitkilәrlә örtülmüş
dәrinliyinә çökdü.
Göl sahil tәrәfdә tamam donmuşdu. Künc tәrәflәr qırovdan
ağarmışdı, üst tәrәfi buzun tutqun, hamar qatı örtmüşdü. Buz
qatında enli, yarımdairәvi yarpaqlar, nazik saplaqlar, hansısa to -
xum lar, çör-çöp, xırda hәşәratlar donub-qalmışdı. Vә bütün bunlar
şaxtalı havaya qarışmışdı, üzәrlәrinә gün şüası düşәndә mirvari
kimi parıldayırdılar. Bu layın içindә qara, yumru çay daşları,
hansısa sınıq çubuqlar donub-qalmışdı. Gölün üstünә yıxılan
qıjıların sınıq budaqları zәrif tülü xatırladırdı.
Bitkilәrdәn bәzilәri, şaxtalara qәdәr olduğu kimi, köklәriylә
yerә pәrçimlәnib yuxarı uzanmış, әvvәllәr gölün üstündә üzәnlәr
isә donmuş suya yapışıb buz qatında qurumuşdu.
Unn uzanıb istәnilәn nağıldan maraqlı olan bu mәnzәrәdәn
gözünü çәkә bilmirdi.
Yenә baxmaq istәyirәm...
O, soyuğu hiss etmәdәn buzun üstündә üzüqoylu uzanmışdı.
Onun zәrif bәdәnindәn gölün dibinә qәribә kölgә düşürdü. Gölün
hamar güzgüsü üzәrindә bir qәdәr irәli sürüşdü. Bir dünya işığa
bәlәnmiş buzun üzәrindәki tül qıjılar arxada qaldı.
Nәhayәt, bu da hәmin o müdhiş yarğan.
Daha dәrin olan yerdә hәr şey daha tәlatümlü idi. Nadir
yosunların arasında, lilin içindә balaca bir xәrçәng ayaqlarını
tәrpәdirdi. Amma xeyri yox idi, su bulanmırdı vә o, yerindәn
tәrpәnә bilmirdi. Sahildәn bu tәrәfә daha bir addım vә sanki
divar, ya arakәsmә әsl qara dәliyә açılır.
37