Page 352 - Tarey Vesos_Макет 1

Tarey Vesos
Әllәrindәki taxtayla havanı yara-yara gedәn uşaqların ardınca
özünü çubuğuna etibar edib gәlәn qoca elә bil yerimirdi, sürünürdü.
Siqridin әli boş idi, gözә görünәn ancaq toppuş yanaqları, bir dә
yalın ayaqlarıydı. Meşә get-gedә onları gizlәdikcә hәmin o sirrin
cazibәsi dә artırdı. Onlar sığını daha cidd-cәhdlә axtarırdılar.
İndi hәmin o qoca da onlara qoşulandan sonra xülya gerçәklәşmişdi.
Bir xeyli yolu dinmәzcә qәt etdilәr.
Qızılı xәzan yarpaqları günәşin şüalarından nәmlәnmişdi.
Birazdan qaya yollarını kәsdi. Qayanın arxasında elә bil nәsә
gizlәnib...
Oyun qocanı da toruna saldı. Qığılcımlar bir-birini әvәz
elәdi. Qoca çubuğuyla qayanı göstәrdi:
– O tәrәfә...
Uşaqlar başlarını tәrpәtdilәr. Qocanın sәsi qәribәydi. Onlar
dayanıb gözlәyirdilәr. Qarşılarında qaya var idi. Qoca göstәriş
verirdi.
– Siz ikiniz mәnimlә sağa, siz dә sola gedin. Hәr şey
salamatlıqla qurtarsa, yolun o başında görüşәrik.
Axırıncı cümlә uşaqları qorxutdu. Dedi, әgәr hәr şey salamatlıqla
qurtarsa. Әgәr hәr şey salamatlıqla qurtarsa?
Taxtalar havadan çәkildilәr.
Amma artıq gec idi, biri dә geri qayıtmağa razı olmayacaqdı.
Xalvorla Onunn qocayla bir sәmtә, Knutla Siqrid başqa sәmtә
getmәliydi. Yaxşı ki, balacalar bir yerdә gedәcәkdilәr, onsuz da,
hәlә heç nә qanmırlar. Bu fikir Xalvorla Onunnun ağlına bir
vaxtda gәldi. Qanıb-qandırırdılar, ya yox, özlәri bilәr, amma
yola düzәlәndә Knut Siqridә әlini uzatdı vә qız sevinclә o әldәn
tutdu.
Xalvorla Onunn qocayla getdilәr. Hamı susurdu. Amma beş-
on addım atandan sonra qoca dizi üstә yerә çökdü. Bu nә di?
Bu gün ikinci dәfәydi ki, dizlәri sözünә qulaq asmırdı.
Dizlәrinin әsmәsi keçib-getdi. Amma...
Qocanın qalxmasını gözlәyәn oğlanların sәbri daralırdı, amma
o, elәcә oturub qalmışdı. Axır ki, әlini yellәmәyә özündә tәpәr
tapdı.

352