Page 334 - Tarey Vesos_Макет 1

Tarey Vesos
adam rәngindә deyildi. Nils bu sifәti heç vaxt unutmayacaq.
Hәm dә Nils gözlәdiyi kimi deyildi, bu sifәt azca da korlanmamışdı.
– Zәrbә harasına dәyib?
– Belinә.
– Aydındı...
– Onurğası üç yerdәn sınıb.
– Aydındı, – Nils tәkrar elәdi.
Ayaqlarının әsdiyini hiss elәyib fikirlәşdi ki, qapağı örtsәlәr
yaxşıdı.
– Örtәk?
– Hә.
– Nәdi, birinci dәfәdi ölәn adam görürsәn?
– Hә.
– Amma mәn bu çağacan çox görmüşәm, – qoca dedi. – Nә
qorxusu var?
Qapağı tabutun üstünә qoyub bәrkitdilәr.
Nils ancaq bu vaxt özündә cürәt tapıb soruşdu:
– Tabuta görә borcum nә olacaq?
Qoca qiymәti dedi. O, bu suala hazır idi.
– Mәn tezliklә ödәyәcәm, – Nils dedi vә fikrә getdi: görәsәn,
borc tabut istәmәkdәn ağır nәsә olarmı?
– Böyük sәnsәn?
– Hә.
– Di baxaq görәk, vәziyyәtdәn necә çıxacaqsan.
Qoca susdu. Nilsi üşütmә tutdu. Mәnә kömәk elә! – ürәyindә
kişiylә danışdı – mәnә toxtaqlıq ver! Bircә bilәydin ki, necә
dözülmәzdi...
Qoca anladı.
– Tabutun pulunu, әlbәttә ki, ödәyәcәksәn, – davam elәdi. –
Amma bir halda ki daha evin yiyәsi sәnsәn, çәtin günlәrin hәlә
qabaqdadı.
Evin yiyәsi. Bu söz ürәyindәn daş kimi sallandı.
– Deyәsәn, sәni әsmәcә tutub? – qoca soruşdu.
– Yox, siz nә danışırsız? – Nils cavab verdi.
Evin yiyәsi. Günlәr sırayla gözünün qabağına düzüldü.

334