Page 331 - Tarey Vesos_Макет 1

Nils Fet
Nils düşüncәlәrindәn ayrıldı. Azca qabaqda bir kişi velosipeddәn
düşdü.
– Ayağının altına baxmaq lazımdı. Yaxşıdı, bu dәfә bәxtin
gәtirdi. Qabağına maşın çıxsaydı, necә olardı?
Sonra hirsi soyumuşdu. Gülә-gülә velosipedinә minib yoluna
davam elәdi. Buradan birbaş yazla görüşә qaçdı. Azad quş kimi.
Qar cәmi bir neçә günün içindә әriyib yollardan qeyb olmuşdu.
Әvәzindә çöl-biyaban nәmişliyi büsbütün canına hopdurmuşdu.
Haradasa kölgә yerlәrdә qar topaları hәlә dә tәslim olmaq
istәmirdi. Günәşin qızındırdığı tәpәlәrdәn torpağın, ötәnilki otların
isti qoxusu gәlirdi.
Amma bu vadidә әn çox diqqәti çәkәn sürәtlә axan su idi.
Onun qulaqbatıran harayı hәr yanı lәrzәyә gәtirmişdi. Vadinin
lap dibindә böyük bir çay qaynayıb köpüklәnirdi. Bu çay tәpәlәrdәn
axıb gәlәn bütün çeşmәlәri udurdu, amma onu bu xırda-parayla
doyurmaq...
Nils aşağı sәmtә, çaya baxdı. Üzәn ağac gövdәlәrini gördü.
Sәni elә oyanlıq elәyәr ki, heç gözünü açmağa da macal tap-
mazsan... bir balaca әsnәdinsә, bәsidi.
Diksindi. Ölü atayla görüşünә az qalırdı. Özünә yazığı gәldi.
İndi üzünә belә ciddi görkәm vermәsindәn nә fayda?

Yaxınlıqda karvansara olmadığına görә Nils rastına birinci
çıxan evә girib gecәlәmәk üçün icazә istәdi. Dedilәr ki, onun
kimilәr bu evdә tez-tez olur.
Nils ancaq indi başa düşdü ki, ölәn adam artıq lap yaxınlığındadı,
elә bil burnuna bәdbәxtliyin qoxusu dәydi. Bu bәdbәxtlik buralarda
hәr adamın sifәtindә iz salmışdı. Onu burada çox xatırlayacaqdılar.
Göz-qulaqdan uzaq bu vadidә az adam yaşayırdı, ona görә dә hәr
insan hәyatına qiymәt vermәyә öyrәncәliydilәr.
Nils oturdu.
Otaqdakılar onun kimliyini dәrhal ayırd elәdilәr. Nilsi burada
gözlәyirdilәr.
– Sәn tәsadüfәn hәmin o ölәn fәhlәnin oğlu deyilsәn?
– Oğluyam.
Uşaqlar sәksәnib künc-bucaqdan gözlәrini ona zillәdilәr.
331