Page 319 - Tarey Vesos_Макет 1

Quşlar
– Hә, düz eşitdin! Hava, bir dә külәk! Bәlkә, düşünürsәn,
mәn heç nә fikirlәşә bilmirәm?
Mattisә görә, evdә qәti işlәtmәdiklәri bu sözü qardaşı elә
hökmlә dedi ki, elә bil divara mıx vurdu.
Xeqe geri çәkilmәli oldu.
– Әlbәttә, fikirlәşә bilirsәn, – dedi.
– Son vaxtlar baş verәnlәr hamımızı xeyli düşünmәyә mәcbur
etdi.
Bacısından ötrü yalnız bir hadisә mövcud idi vә Xeqe yalnız
o adamdan danışırdı. Mattis dәrin kәdәr içindә bacısının qarşısında
dayanmışdı. Xeqe artıq özgәlәşmişdi. Yörgenin bir hissәsinә –
yarısına çevrilmişdi.
– Sәn niyә axı belә oldun? – soruşdu.
– Necә?
– İndi olduğun kimi! Mәn sәni tanıya bilmirәm. Sәnә birdәn-
birә nә oldu?
– Mәnә nә oldu? Özün dә bilirsәn. Artıq sәnә demişәm. Mәn
çox xoşbәxtәm. – bacısı fikrindә israrlıydı vә xoşbәxt olduğuna
tam әmin idi. – Yadındamı, hәtta buna görә sәni qucaqladım.
Yörgen gözә görünmәsә dә, hәmişә Xeqenin yanındaydı vә
bu, Mattisin odunu aldı. Sakitcә:
– Onda Yörgenin yanına get, – demәklә kifayәtlәndi.
Bacısı, deyәsәn, heç tәәccüblәnmәdi.
– Elә indicә onun yanına getmәk istәyirdim, – deyib getdi.
Mattis tәk qaldı. Pәncәrәnin o üzündә xoş bir külәk әsirdi.
Hava toranlaşırdı. Mattis, adәti üzrә, ora-bura göz gәzdirdi.
İstәmirdi, amma özünü saxlaya bilmirdi. Çardaqdan Xeqeylә
Yörgenin qarışıq sәslәri gәlirdi – onlar nә barәdәsә ara vermәdәn
danışırdılar.
Mattis düşündü ki, artıq hәr şey hazırdı. Qayıq barәdә dә
istәdiyimi deyә bildim. İndi külәyin kәsib-kәsmәyәcәyi dә vecimә
deyil, daha mәndәn asılı olan nәsә qalmadı.
O, Xeqeylә bu ağır mübarizәdәn, ümumiyyәtlә, bu gün
beynini mәşğul edәn cürbәcür fikirlәrdәn elә yorulmuşdu ki,
yatağına hәmişәkindәn әvvәl girdi.

319