Page 316 - Tarey Vesos_Макет 1

Tarey Vesos
Bilirdi ki hәmin gün yetişәndә istәr-istәmәz sәksәnәcәk.
Bu haqda Xeqenin başqa nәsә deyә bilәcәyini dә tәsәvvüründә
canlandırırdı: bu gün külәk heç yoxdu, ya da havanın bu gün
belә sakit olması elә-belә deyil.
Amma Xeqe nә onu, nә dә bunu dedi. O, Yörgenlә daha
vacib mәsәlәlәrdәn danışırdı. Külәyin vә yağışın onlar üçün heç
bir әhәmiyyәti yox idi. Yörgen istәnilәn havada meşәdә öz işiylә
mәşğul idi.
Demәli, hәtta Xeqe bu haqda heç nә demәsә dә, göl şüşә
kimi hamar ola bilәrdi. Mattis divanında uzanıb düşünürdü.
Bәdәninin bütün ağırlığıyla yerindәn qalxdı. Tez pәncәrәyә sarı.
Aha…
Külәk kәsmәmişdi, buludsuz sәmanın altındakı gölün üzәrindә
tünd-göy dalğalar gәzişirdi. Bu dalğaların onun üçün bu qәdәr
әhәmiyyәtli olduğu bir vaxtda onlara baxmaq qәribәydi. Daha
bir gün tәxirә düşdü.
Sәhәr yemәyi vaxtı Mattis öz üzәrindә Xeqenin diqqәtli
baxışlarını hiss etdi. Dәrhal iştahası pozuldu vә mәtbәxdәn çıxdı.
Doğrudanmı sifәtimdәn nәsә bilinir? Öz alәtlәrini tapıb mәtbәxә
qayıtdı vә dedi ki, qayığını tәmir elәmәk üçün gölә gedәcәk.
Xeqe razılıqla:
– Yaxşı, qayığını düzәlt, – dedi. – Әn azı, harada olduğunu
bilәcәm.
– Pәncәrәnin qabağında oturub mәnә göz dә qoya bilәrsәn.
– Niyә sәnә göz qoymalıyam ki?
– Mәgәr göz qoymursan?
Vә o, qayığını düzәltmәyә yollandı. Qayığın körpücüyü
altında lap çürümüş bir yer aşkar etdi. Bütün ağırlığını onun
üzәrinә salsa, deşilәcәk. Ağırlıq da ki Mattisdә xirtdәyәcәn idi:
bunu özündә sәhәr açılandan hiss elәyirdi, hәtta lazım olandan
da artıq ağırlaşmışdı.
Öz işiylә mәşğul ola-ola mızıldandı: yastı daşların üstә
oturmaq yaxşı şeydi. Әla sözdü, amma o qız bunu başa düşmәdi.
Әslindә, mәnim üçün fәrqi yoxdu.

316