Page 312 - Tarey Vesos_Макет 1

Tarey Vesos
Bacısı qәti tәrzdә:
– Hәr şey olduğu kimi qalacaq, – dedi. – Özü dә yaxşı
bilirsәn, mәn kiminlә olacam… indi.
– Hә, amma axı onda… – Mattis inamsız şәkildә dedi vә
özünü saxladı, az qala, ağzından artıq söz çıxaracaqdı.
Xeqe hәr şeyә yalnız birtәrәfli baxırdı:
– Mәgәr anlamırsan ki, bu, tәbii bir şeydi? Özün fikirlәş.
Fikirlәşdi vә bacısının haqlı olduğunu ürәyindә etiraf etdi.
Amma… Axı hәr şeyi hәlә dәyişmәk olar. Bu fikirdәn yapışdı.
Bilirәm, olar. Hәr şey bitәcәk, vәssalam – tarlada bir-birlәrini
çimdiklәyәnlәrdә olduğu kimi.
– Xeqe, sәn әminsәn ki, daha heç nәyi dәyişmәk olmaz?
Hәr şey onun cavabından asılıydı:
– Bәli, әminәm, indi burada oturduğuma әmin olduğum kimi, –
dedi. – Özü dә, şükür ki, belәdi.
Mattis donuxub qaldı.
– Neynәk…
Xeqe nә danışdığını bilir. Sәsi dә daş kimi möhkәmdi. İndi
daha Mattisin onu özünә qaytaracağına heç bir ümid yoxdu.
– Bu, ağıl tәlәb elәyәn çәtin bir işdi. – dedi. – Bunu elәmәk
asan olmayacaq.
– Nәyi elәmәk? – Xeqe soruşdu. – Doğrudanmı elә düşünürsәn
ki, biz Yörgenlә lazımi qәdәr qazana bilmәyәcәyik?
Mattis quruyub qaldı. Xeqe heç nә anlamamışdı.
– Sәn gәrәk mәnә görә sevinәsәn, Mattis, – Xeqenin bu
sözlәri hәr şeyi hәll etdi. Cırıltı sәsi vә qıfıl bağlandı.
– Hә… sevinmәliyәm, – dedi.
Qapı bağlandı, daha deyilәsi söz qalmayıb.
Xeqe isti baxışlarla:
– Başqa da nәsә demәk istәyirdin? – soruşdu, çünki Mattis
dinib-danışmasa da, çıxıb getmirdi.
O, başını buladı. Xeqe ona cavabı elә aydın vermişdi ki,
bundan aydın, sadәcә, mümkün deyildi. Demәli, artıq hәr şey
mәlumdu. O, öz böyük planını hәyata keçirmәlidi. Amma әvvәlcә
qoy burada bir az da dayanıb-dursun.

312