Page 313 - Tarey Vesos_Макет 1

Quşlar
42

Sarayda artıq neçә illәr idi ki, tәzә avar üçün olan lәvazimatlar
atılıb qalmışdı. Mattis onlara әl vurmurdu, elә köhnәsiylә keçinirdi.
İndi işә girişib taxtanı rәndәlәmәyә başladı.
Yeni plan tez bir zamanda bütünlüklә beynindә hazır oldu,
bu kobud vә ağır iş isә bütövün hissәlәri idi. Canındakı zәifliyi
hiss edәrәk düşündü ki, hәr şey bir-biriylә bağlıdı: taleyi özünün
dә bilmәdiyi nәyinsә әlindә idi.
Yörgen meşәdәn qayıdanda Mattisin taxta rәndәlәdiyini
gördü. Qeyri-adi bir mәnzәrә.
– Sәnә tәzә avarlar lazımdı?
– Hә, çoxdan düzәltmәk istәyirdim.
Yörgen istәr-istәmәz tәhlükәli mövzuya toxunaraq:
– Yenidәn adam daşımaq istәyirsәn? – soruşdu.
– Ola bilәr.
Mattis başını qaldırmadı. Hәqiqәti demәk olmaz, yoxsa planı
alt-üst olacaq, hәr şeyi ona qadağan edәcәklәr vә iş bitәcәk. Hәlә
desәn, bәlkә, әl-qolunu da bağladılar.
Yörgen:
– Yaxşı elәyirsәn, – dedi, – bekar qalmaq adama ziyandı.
Vә o, evә – Xeqenin yanına vә nahara tәlәsdi.
Avarlar hәddәn artıq iri vә qalın alınmışdı. Mattis onları
rәndәlәdi ki, ağarıb hamarlaşsınlar vә tәxminәn, hazır olmuş
kimi görünsünlәr. Amma avarlar әvvәlki kimi yarımçıq görünürdü
vә әslindә, belә dә olmalıydı. Çünki bu avarlarla yalnız sahilә
qәdәr üzmәliydi: ya xilas olmalı, ya da onlarla birlikdә batıb
hәmişәlik yox olmalıydı. Planının әsas hissәsi mәhz bundan
ibarәt idi.
Onda alnıma nә yazıldığını bilәcәyәm. Hәr şey mәlum olacaq.
Gölün әn dәrin yerindә deşiklәrdәn birini açacağam vә onsuz
da, tamam çürümüş bu qayıq batacaq. Üzmәyi dә bacarmıram.
Bu qalın avarlardan yapışacam, әgәr alnıma yazılıbsa, elә onlarla
sahilәcәn üzüb evә qayıdacam, әvvәlki kimi, Xeqeylә, Yörgenlә
baş-başa verib yaşayacam.

313