Page 295 - Tarey Vesos_Макет 1

Quşlar
– Nәyi?
– Elә bilirsәn, sәnin barәndә danışmırıq?
– Bilirәm, danışırsız, – Mattis tez cavab verdi.
Bacısı:
– Biz bacardığımızı elәyәcәyik, – dedi. – Ümidvaram ki, sәn
bizi başa düşürsәn.
Mattis onu eşitmәdi. Yalnız onun artırmadan necә evә girdiyini
gördü. Bu dәqiqә beynindә yalnız artıq ölmüş hәmin gözәl fikir
idi. Dәrinә getsәk, gözәl fikir nә demәkdi axı? Heç nә. Sәn
onunla kimәsә yaxınlaşırsan vә ağıllı birisi ağzını açan kimi,
hәmin o fikir külә dönür. Bu gözәl fikrin yerlә-yeksan olması
üçün Xeqeyә bir-iki söz dә kifayәt etdi.
Biz bacardığımızı edәcәyik, dedi. Mәnim hansı vәziyyәtdә
olduğumu nә bilir ki?!

37

Daşıma işinә son verilmişdi. Yörgenin xasiyyәti ağır idi. Hәr
sәhәr Mattisi özüylә meşәyә aparırdı. Öyrәnmәlisәn, deyirdi,
vәssalam. Onunla mübahisә etmәyin mәnası yox idi. Mattis
mızıldansa da, quzu balası kimi onun yanına düşüb gedirdi.
Bir gün ağır işdәn sonra әzab içindә evә qayıdanda Xeqedәn
dә bir özünәmәxsus mәslәhәt aldı. Bacısı:
– Sәn bu mәktәbi keçmәlisәn, – dedi.
Bacısına necә izah edәydi ki, qayıqda üzәrkәn fikirlәri sanki
şüa kimi birbaşa avarların üstünә düşür, baltanı, ya mişarı isә heç
cür hәzm edә bilmir. Xeqe, onsuz da, bir şey qanmayacaqdı.
Meşәdә Yörgen xeyirxah idi, buna söz ola bilmәzdi. Mattis
üçün daha nazik ağaclar axtarıb tapırdı ki, doğramaq asan olsun –
demәk olar, hamısını da onun әvәzinә özü yerә yıxırdı. Mattisin
bu işdә heç bir uğuru yox idi, mәqsәdi yalnız Yörgenlә Xeqe
barәsindә danışmaq idi.
Nәhayәt, imkan elәyә bildi. Oturub qәhvә içirdilәr. Mattis az
işlәsә dә, çox yorulmuşdu. Özünü lap qalaqlanmış küknar

295