Page 300 - Tarey Vesos_Макет 1

Tarey Vesos
Heç nә olmamış kimi, meşәnin üstünә yüksәldi. İlk öncә, tәbii
ki, hәmin uçuşu xatırladı. Gözlәri bәrәlә qalan Yörgenә:
– Sәn dә otur, – dedi. – Sәnә qanadına güllә dәyәn, indi daşın
altında uzanan valdşnepdәn danışacam. Hadisә necә oldu?
Yörgen:
– Tәzәdәn sәfehlәmә, – mızıldandı. – İndi nә düzüb-qoşmusan?
Yaxşı olar, evә gedәsәn.
– Sәnә otur dedilәr! – Mattis israrlıydı. – Bu gün burada әmri
mәn verirәm! Belә bir gün gec-tez olmalıydı. Aydındı?
Yörgen tәmkinlә oturdu.
– De gәlsin.
Mattis tam ciddiyyәtlә soruşdu:
– Xeqe sәnә valdşnepdәn danışmamış olmaz, elәmi?
– Mәnә çox şey danışıb, amma valdşnepi nәsә xatırlamıram.
Mattis inamsızlıqla ona baxdı:
– Doğrudanmı onun üçün dünyada mәnim o uçuşumdan da
maraqlı nәsә var?
– Yәqin.
– Valdşnepin öldürüldüyünü dә sәnә demәyib?
– Bәlkә dә, deyib. Xatırlamıram. Bu valdşnepdә xüsusi nә
var ki?
Canındakı muxomor kefliliyi ilә gözünü dәli kimi Yörgenә
zillәdi:
– Biz valdşneplә bir can idik, anladın? İndi isә o, daşın
altındadı. Amma bu, heç nәyi dәyişmәyib, çünki o, elә indi dә
elә bil evimizin üstüylә uçur. Elә bil uçur, anladın? Biz onunla
bir canıq axı. Elә bil ikimiz dә uçuruq. Hәmişә dә belә uçacağıq.
Әgәr kimsә bizә mane olmaq istәsә…
Qorxu içindә susdu.
Yörgen ehtiyatla:
– Valdşneplә birsiz. Başa düşürәm. Valdşneplә birsiz, – dedi.
Yörgen bu vәziyyәtdә sayıq olmalıydı.
Mattis kәskin tәrzdә:
– Niyә mәnimlә belә danışırsan? – soruşdu.
Axı elә bilirdi ki, artıq dәyişib. Elә bil içindә nәhәng bir ocaq
qalanmışdı. Birbaşa Yörgenin üzünә:
300