Page 257 - Tarey Vesos_Макет 1

Quşlar
– Sәn burada qalacaqsan?
Mattis düşüncәlәrә qәrq olmuş halda:
– Hә, – dedi, – sәn gedә bilәrsәn. Mәn gәrәk qayıqla әllәşim.
Xeqe yoluna davam etdi. Bacısı tәpәyә qalxanda Mattis sanki
yuxudan ayılıb onu sәslәdi:
– Sәn niyә axı bunu mәnә indiyәdәk tәklif etmәmişdin?
Bacısı cavab әvzinә ona әlini yellәdi. Xeqe tezliklә gözdәn
itdi. Niyә axı bacısı bunu ona indiyәcәn demәmişdi? Ona ağıllı
demәk olarmı? Hәr halda, bugünkü söhbәt әla alındı. İndi onu
ürәyincә olan bir iş gözlәyirdi.
Özünә söz verdi ki, bir dә o ildırımı yada salmayacaq. Onun
bizә dәxli yoxdu – mәnә dә, Xeqeyә dә. Sabah isә mәn, ola
bilsin, kimisә gölün o tәrәfinә keçirәcәm.
İndi yalnız qayığı qaydaya salmaq lazım idi. Pul xәrclәmәdәn,
mümkün olan hәr şeyi etmәliydi.

Mattis qaranlıq düşәnәcәn işlәdi. İyulun sonları olduğundan
axşamlar göz-gözü görmürdü. Bütün başqa işlәr kimi, xarratlığı
da bir şey deyildi. Amma bu dәfә ixtiyarında olan bir-iki sadә
alәtlә öz qayığının üstündә ürәklә işlәyirdi. Xeqe onun kefiylә
maraqlananda artıq sabahdan işә başlayacağını dedi.
– Nәyi başlayacaqsan?
– Sәn deyәni! Camaatı gölün o tәrәfinә keçirәcәm. Bunu әla
fikirlәşmisәn!
Xeqe hәqiqәti açıb demәli oldu:
– Doğrudanmı zarafatı başa düşmәmisәn? Ora aparılası adam
yoxdu axı.
Xeqe onu fikrindәn daşındıra bilmәdi. Mattis hirslә:
– Niyә belә deyirsәn? – soruşdu. – Mәni aldatmaq istәyirsәn?
Xeqe:
– Dedim axı, oralarda yaşayan yoxdu, – dedi, amma fikirlәşib
dәrhal da әlavә etdi: – Nә olar, istәyirsәn, başla. Bir cәhd elә dә,
nә ziyanı var? Әn azı, mәşğuliyyәtin olar.
Mattis bu sözlәrә sanki bezdirici vızıltı kimi qulaq asdı. Onu
necә dilxor elәdiyi Xeqenin ağlına da gәlmәzdi. Hәyatında
hәlledici dönüş baş vermişdi: bu, yeganә çıxış yoluydu.
257