Page 254 - Tarey Vesos_Макет 1

Tarey Vesos
– Neynәk, qoy belә olsun, – dedi. – Mәn heç nә bilmәk
istәmirәm. Hesab elә ki, hәr şey qaydasındadı. Aydın oldu?
Bununla da söhbәti bitirәk.
– Doğrudan? – Mattis sevindi.
Addımları yeyin idi, elә bil harasa tәlәsirdilәr. Mattisi tәlәsdirәn
içindәki günah hissiydi, Xeqe onunla güclә ayaqlaşırdı. Onlar
Mattisin valdşneplә quş dilindә yazışdığı gölmәçәnin yanından
keçdilәr. Mattis bu әhvalatı bir kәlmәylә dә xatırlatmadı. Xeqe
onların bu yazışmasına şәkk gәtirsәydi, hәr şey korlanacaqdı.
Gölmәçәni arxada qoyub meşәyә girdilәr. Burada artıq ot
bitmirdi, torpağın çılpaqlığını örtәn yalnız mamır vә iynәyarpaqlı
ağacların yerә tökülәn xırda budaqları idi.
Xeqe burada hökm sürәn sükutu hiss edib dayanmağı xahiş
etdi.
Mattis, nәhayәt, ayaq saxladı vә bu füsunkar sükutu dәrhal
bütün canıyla hiss etdi.
– Biz hardayıq? – çaşqın halda soruşdu.
Xeqe tәmkinlә:
– Evin yaxınlığında, öz meşәmizdә, – dedi. – Mәgәr buraları
tanımırsan?
O, heç buralara baxmadı da. Әvәzindә:
– Mәnә ağırdı, – dedi. – Bir mәsәlә mәni çox üzür.
– Mattis, indicә dediyimi eşitmәdin? Hәr şey qaydasındadı.
Gәl bu söhbәti bağlayaq.
– Hә, amma…
– Artıq bir kәlmә dә. Sәnә dedim axı, hәr şey qaydasındadı.
– Amma belә deyil. – Mattis inad elәdi.
– Gәl bu tәpәciyin üstündә otur! – qәflәtәn bacısı dedi.
Xeqe çaşqınlıq içindәydi. Onlar indi üstünü mamır örtmüş
yumru bir tәpәciyin yanında idilәr.
Mattis itaәtlә oturdu. Bir halda ki Xeqe belә istәyir, belә dә
etmәliydi.
Bacısı da onunla yanaşı oturdu vә nәfәsini güclә dәrәrәk:
– Sәn mәni lap dәli elәdin, – dedi.
Mattis cavab vermәdi, nәsә kirimişdi. Bacı vә qardaş xırda
mamırlı tәpәcikdә oturmuşdu. Meşәdә sәs-sәmir yox idi vә
254