Page 248 - Tarey Vesos_Макет 1

Tarey Vesos
– Hә, mәn dә elә bilirәm.
Mattis çıxdı.
Artıq yolda özünü saxlaya bilmәyib ikinci nabatı ağzına
qoydu. İndi hәr iki ovurdunda nabat var idi vә onun şirәsi dilinә
yayılırdı – köhnә vaxtlarda olduğu kimi.
Yolboyu rastına yalnız tanımadığı adamlar çıxırdı. Bomboş
baxışlarını şütüyüb keçәn maşınlara dikib yolun quru ağcaqovaqlara
yaxın olan tәrәfindә var-gәl elәyә-elәyә qalmışdı. İş vaxtı, nәhayәt,
bitdi vә adamlar tarlalardan evlәrinә qayıtmağa başladılar. Bir
neçә nәfәr Mattisin yanından ötüb-keçdi. Tanış oğlanı görüb
yaxınlaşdı. Söhbәtә körpü salmaq üçün sualı da hazır idi.
– Bu gün nә iş görmüsәn?
Siftә uğurlu alınmadı, yorğun oğlan qüssәli baxışlarını Mattisә
dikib kәskin tәrzdә:
– Bәs sәn özün nә iş görmüsәn? – soruşub yan keçmәk istәdi.
Mattis diksindi, amma yox, gәrәk bu gün heç kimdәn
qorxmasın. Qәtiyyәtlә:
– Sәnlә vacib işim var, – dedi. – Sualı elә-belә, söhbәtә
körpü salmaq üçün verdim.
Oğlan Mattisi tanıyırdı, ona görә dә söhbәtin axarını dәyişdi:
– Dәryazla ot biçmişәm, yığım işi heç dә hamıda bitmәyib. –
cavab verdi vә yolun kәnarındakı daş oturacağa әylәşdi. – De
gәlsin, Mattis, mәnә nә sözün var? Tez elә, yorulmuşam, acmışam.
Mattis ciddi şәkildә:
– Bunu sәnә necә anlatacağımı, düzü, heç özüm dә bilmirәm, –
dedi. – Bunu tez-tәlәsik deyib çatdırmaq da olmaz.
– Onda bir başqa vaxt danışarıq. Olar?
Cavab әvәzinә Mattis başıyla birini ildırım vurmuş quru
ağcaqovaqlara işarә elәdi.
Oğlan tәlәsirdi.
– Әgәr sözünü tez çatdıra bilmәyәcәksәnsә, yaxşısı budu…
Mattis:
– Mәn axı işarә elәyirәm, – deyib cavabıyla oğlanı tәәccüb -
lәndirdi.
– Hә, nә olsun?

248