Page 246 - Tarey Vesos_Макет 1

Tarey Vesos
Mattis bacısına dükançının yanına getmәyә hazırlaşdığını
hiss etdirmәk istәdi – indi ora daha tez-tez yollanırdı.
Sahildәki hәmin o böyük zәfәrdәn sonra Mattis hamının
gözü qarşısında rahatca dükana girirdi. Әvvәl heç vaxt belә
inamlı deyildi. Kim bilir, bәlkә, indi hörmәtә minib – zarafat
deyil, bir cüt qızla bura üzmәyin mükafatını almalıydı, ya yox?
Bacısından:
– Bәlkә, bu gün dükana gedim? – soruşdu.
Üzünü ertәdәn qırxmışdı.
Xeqe:
– Sәni elә bil dәyişiblәr, – dedi. – Öz xoşunla dükana getmәk
istәyirsәn.
Qoy nә istәyir desin. Axı işin nә yerdә olduğundan xәbәrsizdi,
bilmir ki, bu, olum, ya ölüm mәsәlәsidi.
Mattis:
– Bәs pul? – yazıq-yazıq soruşdu vә elә bil dәrhal boyu da
kiçildi.
Bacısı әrzaq pulundan әlavә, özünә dә cibxәrcliyi verdi.
– Bu da sәnin…
– Yox, bu gün nabat almayacağam, әgәr sәn onu nәzәrdә tut-
musansa, – bacısının sözünü ağzında qoydu.
– Niyә ki? Pulumuz heç dә hәmişәkindәn az deyil.
Mattis tәhlükәli mövzuya toxunaraq:
– İldırımın ağacı vurduğu bir vaxtda adam gәrәk nabat barәdә
düşünmәsin, – dedi.
Amma Xeqenin bu mәsәlәyә elә bil heç bir aidiyyәti yox idi.
– Biri o birinә mane olmur, – deyib Mattisi hәtta bu sәfeh
fikriylә qorxutdu.
– Amma axı bu, nabatdan xeyli vacib mәsәlәdi. Doğrudanmı
sәnә çatmır?
Xeqenin sifәtinin ifadәsi azca da dәyişmәdi:
– Hәr halda, bu on ereni götür, hәmişә aldığın nabat üçün.
Mattis hәyәcanla bacısına:
– Özünü qoru! – dedi vә dәmir pulu qaytarıb zәruri bazarlıq
üçün tәlәb olunan qәdәr alaraq, Xeqe onu daha hansısa sözlәrlә
qorxutmasın deyә evdәn çıxmağa tәlәsdi.
246