Page 241 - Tarey Vesos_Макет 1

Quşlar
24

Qızların әvәzinә, yayın düz yarısını mәrhәmәtlә onlardan
yan ötәn pis hava gәldi. Gec-tez, onsuz da, gәlmәliydi. Pis hava
göldәki gәzintinin dördüncü günü başladı. Düz sәhәr tezdәn.
Mattis evdәn çıxan kimi bunu hiss etdi: havaya elә bil
qurğuşun tökmüşdülәr, mәsәlә ciddiydi – göy üzü qaralmışdı vә
tәrpәnmirdi. Düzdü, belә buludlar sadәcә yağışla kifayәtlәnә
bilәrdi, amma… Mattis bu qurğuşun ağırlığını dәrhal öz canında
hiss etdi vә onu nә gözlәdiyini açıq-aydın anladı. Şüuru sanki
onu tәrk etmişdi. Diqqәtlә Xeqenin sifәtinә baxırdı.
Bacısı özünü elә aparırdı ki, guya hәr şey qaydasındadı.
Mattis dözә bilmәyib:
– Doğrudanmı sәn görmürsәn? – soruşdu.
– Nәyi? Mәncә, hәr şey olduğu kimidi – bacısı evi yığışdıra-
yığışdıra cavab verdi. – Sәn nәyi deyirsәn ki?
– Göy gurultusunu.
– Boş şeydi.
Mattis ara-sıra artırmaya qaçırdı.
İldırımdan qaçıb gizlәnmәli olduğu bu illәr әrzindә öz
tәcrübәsindәn bildiyi müxtәlif әlamәtlәri yadına saldı. Әn düzgünü
havada vә öz canında olan bu qurğuşun ağırlığı idi.
Xeqe onu sakitlәşdirmәk üçün:
– Qorxma, ildırım-zad olmayacaq, – dillәndi. – Birazdan bu-
ludlar dağılacaq, sәnin bu qorxun da bizdәn yan keçәcәk.
Mattis cavabında:
– Bu dәfә mәni aldada bilmәyәcәksәn, – dedi. – Mәn hәlә
indiyәcәn belә vahimәli mәnzәrә görmәmişәm.
Elә bu sözlәri demişdi ki, lap uzaqdan asta sәslә göy guruldadı.
Bu sәs elә bil yuxuluydu, amma yetәrincә hәdәlәyici idi.
Mattis özündәn çıxdı:
– Eşitdin?
Xeqe:
– Nә olsun? Bәlkә, daha sәs gәlmәyәcәk, – dedi. – Qorxub-
elәmә. Bu dәfә evdәn çıxma, görәrsәn, hәr şey ötüşәcәk.

241