Page 226 - Tarey Vesos_Макет 1

Tarey Vesos
Nәhayәt, qızlar üzüb geri qayıtdılar. Yenә dәyişib hәmin o
cürәtli vә şәn qızlar olmuşdular.
– Gәrәk sәni sahilә çıxarıb hәyatını xilas edәk! – ona tәrәf
qışqırdılar. Atılıb-düşür, bir-birlәrinә su çilәyir, ayaqlarını elә
qaldırırdılar ki, barmaqlarının ucu görünürdü.
– Ora çox uzaqdı! – Mattisin qorxaq sәsi güllә kimi açıldı.
Qızların sözündәn canına üşütmә düşmüşdü.
Qızlar suyu köpüklәndirә-köpüklәndirә, fınxıra-fınxıra ona
sәslәndilәr:
– Bizim tәlәsәn yerimiz yoxdu. Adını bizә desәn, sәni sahilә
çıxarıb sağ-salamat tәhvil verәrik.
Qızların dodaqları al-qırmızıydı.
Mattis başını buladı. Amma qızlar әl çәkmәdilәr. Onlar adanın
yanında üzә-üzә şәnlәnir vә ona özlәrini tәqdim edirdilәr.
– Mәnim adım Anna, onunku İngerdi. Gördünmü necә adi
bir şey. İndi sәnin növbәndi.
Yenә başını buladı.
– Yox, sizә dedim axı.
– İstәmirsәn, heç lazım da deyil. Yola gәlәnәcәn burada otu -
rub qalacaqsan, inadkar uzunqulaq!
Qızlar yenidәn bir-birlәrinә su çilәmәyә başladılar.
Mattis qızlara tәrәf qışqırdı:
– Siz heç nә bilmirsiz! Bәsdi! Belә sözlәr lazım deyil.
Qızlar onun nә dediyini başa düşmәdilәr, dönüb yenidәn
üzmәyә, şәnlәnmәyә davam etdilәr.
Bircә üzüb mәndәn uzaqlaşmasınlar. Mattis belә istәyirdi.
Bircә üzüb getmәsinlәr. Bu axı hәyatında ilk dәfәydi. Sonra
başını aşağı salıb öz damğasını canında hiss elәdi: nә qәdәr ki
mәni tanımayıblar, buradan getmәlәri yaxşıdı.
Qızlar bir-birlәrinә su çilәyә-çilәyә adaya çıxıb, saçlarını
geri atdılar, qayığın üstә әyilib dәsmalı götürdülәr vә gündәn
qaralmaq üçün Mattisin yanında uzandılar – onsuz da, adada
başqa boş yer yox idi.
İnger:
– Sәn gәrәk bizi bağışlayasan, – dedi. – Bu adacıqda gözdәn
uzaq bir yer yoxdu, dörd bir tәrәf ucu şiş daşlardı. Bizә dözmәli
olacaqsan.
226