Page 223 - Tarey Vesos_Макет 1

Quşlar
– Mәsәlәn, nә?
– Daha bunu soruşmayın. Bunu heç kim bilmir.
Qızlardan biri:
– Yaxşı, soruşmarıq, – dedi. – Elә biz özümüz nәlәr arzulamırıq
ki? Bu, bizә tanışdı.
Vә qızlar xoş niyyәtlә ona baxdılar.
Mattis düşündü ki, onlar da ağıllıdı.
– Mәn sizin kimilәri çox görmüşәm! – yenә qeyri-iradi ağ -
zından çıxdı. Özünә ürәk-dirәk vermәk istәdi. – Yayda biz tәrәfdә
xeyli dincәlәn olur: onlar yolda, dükanda, hәr yerdә adamın
qabağına çıxır. Ona görә dә elә fikirlәşmәyin ki…
Susdu. Vә hirslә onlara baxdı. Bu qızlara hirs vә hiddәt dolu
baxışlarla baxmağa haqqı vardı. Hәr halda, ona belә gәlirdi.
Amma qızlar hәlә dә xoş niyyәtlә Mattisә gülümsәyirdilәr.
Onlardan biri:
– Biz sәni başa düşürük, – dedi. – Dәrhal hiss etdik ki, adi
adamlardan deyilsәn.
Mattis qızların onun haqqında heç nә bilmәdiklәrinә görә
minnәtdarlıq hissiylә başını qaldırıb düz gözlәrinә baxdı. Öz
cәsarәtinә özü dә heyrәt etdi: rahatca qızlarla danışır, gözlәrinin
içinә baxır.
Amma budur, gözlәri yenidәn uzaqlara zillәndi vә artıq
tamam başqa sәslә astadan soruşdu:
– Siz bura hardan üzüb gәlmisiz?
Qızlar laqeyd tәrzdә әllәriylә Mattisin oradakılardan heç
kimi tanımadığı gölün dumanında görünәn sahili göstәrdilәr. On-
lardan biri cavab verdi:
– Artıq iki hәftәdi, burada qalırıq. Bu gün yaxşı havanı fürsәt
bilib qayıqla üzmәyә qәrar verdik.
– Vә çimmәk üçün bu balaca adaya istiqamәt aldıq, – o birisi
Mattisә göz vurub dedi. – Buraya da gәlib çatanda nәlәrsә
gördük.
“Özünü yığışdır” – hәr dәfә qızlara tәrәf dönmәk istәyәndә
elә bil kimsә ona deyirdi. Baxışları hәlә dә yad sahillәrә dikilib
qalmışdı. Qızlar sözlәrinә ara vermirdilәr.
223