Page 225 - Tarey Vesos_Макет 1

Quşlar
– Hәr halda, bәlkә, nәsә görmüsәn?
– Yox, mәn ona görә baxmıram, – ciddi şәkildә cavab verdi. –
Nәfsimә uymamaq üçün belә elәyirәm.
Tәbәssüm dolu baxışlar söndü, qızlar sakitlәşdi. Mattis
qәflәtәn qәribәlәşdi.
Qızlardan biri ehmalca:
– Sәn bizә baxmağa qorxursan? – soruşdu.
Mattis yerindәn tәrpәnmәdәn asta sәslә cavab verdi:
– Nәfs dediyim dә elә budu.
Qız cavab vermәyә söz tapmadı. Mattisin ürәyi çılpaq vә
müdafiәsiz idi. rәfiqәlәr bir-birlәrinә baxır vә heç nә anlamırdılar.
Mattisin sәsi, sifәti, baxışları onların tәbәssümünü tüstü kimi
dağıtmışdı. Qızlar özlәrini yığışdırdılar.
Onlardan biri sıxıla-sıxıla:
– İstәyirsәn sahilә üzüb kimisә sәnin qayığına kömәk üçün
çağıraq? – tәklif etdi.
Mattis yalvara-yalvara:
– Yox, yox! – nida etdi.
– Anna, onda gәl çimәk, onsuz da, belә qәrarlaşdırmışdıq, –
qızlardan biri dillәndi. – İndi әsl vaxtıdı.
– Yaxşı, – Anna adlı hәmin qız sanki toxtayıb razılaşdı. – Bu,
әla olar.
– Tezliklә görüşәnәdәk!
Mattislә xudahafizlәşib isti yay suyuna atıldılar. Lap balıq
kimi rahat üzә-üzә buradan uzaqlaşdılar. İndi Mattis maneәsiz-
filansız onlara baxa bilәrdi.
Sevincdәn qanadlana-qanadlara onların yenidәn bura qayı -
da caqlarını düşünürdü. Qızlar öz qayıqlarının dalınca gәlib bir -
likdә sahilә çıxacaqdılar.
Onların uzaqda necә üzdüklәrinә baxa-baxa astadan:
– Mәn hәtta fikirlәşmәyә belә qorxuram, – dedi.
Qızlar orada nәsә danışırdılar. Sonra ona әl elәdilәr:
– Ey!
Mattis tәrpәnmirdi. Amma yox, belini dikәltdi, yöndәmsiz
şәkildә әlini qaldırdı, tez dә utanan kimi olub yanına saldı.

225