Page 230 - Tarey Vesos_Макет 1

Tarey Vesos
İnger:
– Burada uzanmaq necә dә xoşdu, – dedi. – Gәl bir az da
qalaq.
Anna әtrafa boylanıb suları, uzaq sahillәri, boz dumana
bürünmüş dağları gördü. Özünün bu xoş rayihәli bәdәninә hopmuş
bu günü bütünlüklә ruhunda hiss etdi vә cәld Mattisә sarı dönәndә
oğlanın ona zillәnәn gözlәrindәki narahatlıqdan karıxıb:
– Әgәr cәnnәtdә yaşadığından xәbәrsizsәnsә, daha sәnә sö -
züm yoxdu, – dedi.
Mattis qeyri-ixtiyari:
– Cәnnәtdә yaşamaq elә dә asan deyil, – cavab verdi.
– Bununla nә demәk istәyirsәn?
– Siz heç nә anlamırsız! Siz qәti mәnim kimi düşünmürsüz…
Qızların üzlәrinin ifadәsindәn bu mövzuda danışmağa meyilli
olmadıqları oxunurdu.
– Biz necә düşünürük ki?
Mattis:
– Mәndә nәsә xüsusi bir şey hiss etmisizmi? – soruşdu.
Rahatlıq tapa bilmәdiyindәn, istәr-istәmәz eyni şeyin üstündә
fırlana-fırlana qalmışdı.
Annanın cavabı qәti vә kәskin oldu:
– Xeyr, Per, biz sәnin haqqında heç nә bilmәk istәmirik, artıq
bildiklәrimizdәn savayı. Odur ki, sus!
İnger әlavә etdi:
– Hә, Per, sussan yaxşıdı!
Bu, onu susmağa vadar etdi, hәtta içinin dәrinliyindәn qalxan
sәs dә susdu. Daha Mattisә möhkәm dayanmaq lazım deyildi.
Onlar qiyamәt qızlar idi.
Mattis:
– Hәr şey әladı, – dedi. – Adam susanda artıq-urtuq söz-
söhbәt dә olmur.
Ona elә gәldi ki, ağıllı danışdı.
Qızlar razılıqla başlarını tәrpәtdilәr.
İndi bu qızlar sanki kövrәk, qәliz vә qarma-qarışıq nәlәrdәnsә
xilas olub gülüşür, ayaqlarını suya toxundururdular.

230