Page 228 - Tarey Vesos_Макет 1

Tarey Vesos
– Doğrudu! Demәli, xoş gördük, Per! Şadam ki, nәhayәt, öz
adını bizә dedin.
Öz hәrәkәtindәn tәşviş keçirәn Mattis başını tәrpәtdi.
Anna:
– Sözümüz sözdü, geri çәkilmәk daha gecdi, biz sәni evinә
aparacağıq. Amma hәlә qoy biz az qaralaq, yaxşımı, Per? –
soruşdu.
– Әlbәttә, qaralaq, – İnger Mattisin әvәzinә cavab verdi.
Lap qiyamәt oldu. Qızlar onu büsbütün duyub nә istәdiyini
bilirdilәr. Mattis göyün yeddinci qatındaydı.
Mattis:
– Bircә, qorxuram, Xeqe… – dedi vә dili dolaşdı. – Yox, yox,
heç nә!
Amma qızlar artıq eşitmişdilәr.
– Xeqe kimdi? Sevgilindi?
– Yox, bacımdı. Bu, heç dә belә deyil… – yenә dili dolaşdı. –
Yox, mühüm bir şey deyil, eşidirsiz? Bizim evdә hәr şey qay -
dasındadı… Әgәr Xeqe kimi bir insan hәr şeyi yaxşı dәrk edirsә…
İnger:
– Buna şübhәm yoxdu, – dedi.
Anna da öz növbәsindә:
– Әgәr insan hәr şeyi yaxşı dәrk edә bilirsә, hәr şey qabağında
açıqdı, – dedi.
Mattis tәhlükәli sözlәrlә oynayaraq:
– Bu zaman o, iti bıçaq kimidi, – dedi.
Qızlar birağızdan:
– Ay sәni, hәtta adamın canına vicvicә düşür, – sәslәndilәr.
“Ayıl, Mattis, ehtiyatlı ol!” Qulağına xәbәrdarlıq sәsi gәldi.
Bu sәsdә hәtta hәdә dә var idi – amma axı bu fürsәt bir dә әlә
düşәn deyildi. Bilirәm, belә danışmaq, insanları aldatmaq olmaz.
Amma bu axı cәmi-cümlәtanı birinci vә sonuncu dәfәdi!
Mattis fikirlәrinin davamı kimi ucadan vә ciddi şәkildә:
– Olacağa çarә yoxdu! – dillәndi.
İnger tәmkinlә:
– Müdrik sözlәrdi, – dedi.

228