Page 215 - Tarey Vesos_Макет 1

Quşlar
Hәmin adam rahat nәfәs alıb yoluna davam etdi.
Evdә Xeqe dedi ki, boş söhbәtdi. Vә Mattisә elә gәldi ki,
artıq iki hәftәdәn bәri ona rahatlıq vermәyәn evin başçısı olmaq
mәsuliyyәti, deyәsәn, onun çiyinlәrindәn götürüldü – bu mәsuliyyәt
yenidәn Xeqenin üzәrinә düşdü.
Gecәdi.
Әgәr әtrafında yalnız güclü vә ağıllı insanlardısa, nә etmәli?
Nә bilәsәn?
Amma hәr halda, nә etmәli? İnsan gәrәk nәsә etsin. Hәmişә.
Evin üzәriylә zolaq uzanıb. Quş özü ölüb, indi iri bir daşın
altındadı, amma zolaq qalıb.
İndi nә etmәli?
Xeqeylә nә etsin? Onun vәziyyәti pisdi.
Nә bilәsәn?
Pәncәrәnin o üzündәn isә külәk sәsi gәlir, amma bәlkә dә,
külәyin özü heç yoxdu.

19

Bir dәfә iyulun axırlarında Mattis balıq tutmağa getdi. Әn
azı, öz qayığında göldә üzürdü. Ötәn iki hәftә, qonşudan biçilmiş
otu kürümәk tәklifi hesaba alınmasa, xoş keçmәmişdi. Hәm dә
bir gün hesabdan deyil.
Bu gün onu gölә Xeqe özü yolladı.
Qayıqda oturmuşdu, baxışları bomboş, göl isti, hamar vә
sonsuz idi. Mattis uzağa, tәxminәn balaca daşlıq adayacan üzdü.
Haradasa uzaqda bir mühәrrik işә düşdü, sonra o biri, amma belә
baxanda sakitlik vә boşluq idi. Sahildә tanıdığı, uzaq sahildә isә
tanımadığı evlәr görünürdü. Balıq tutmaq üçün lәvazimatı kasad,
qayığı isә nasaz idi – su buraxırdı. Su gәlib başmaqlarına
dirәnәnәcәn xәyala dalmışdı. Bunu görüb sәksәndi vә suyu
boşaltmağa başladı. Sonra yenidәn xәyala daldı. Tilov qayığın
arxa tәrәfinә bәrkidilmişdi, qarmaq faydasız gözlәntiylә yatmışdı.
Suyun dәrinliyindәn dә qızmar iyul günәşi boylanırdı vә Mattis

215