Page 206 - Tarey Vesos_Макет 1

Tarey Vesos
quşu qorumaq üçün buradan uzaqlaşmasını istәyirdi? Yәqin, hәr
ikisini.
Bu axşam meşә tanınmaz haldaydı. Mattisin hәmişә özünü
tәhlükәsizlikdә hiss etdiyi meşә bu axşam sanki ölüm saçırdı.
Yayın axşamı göyün әnginliklәrindәn axaraq bütün işıqlı yerlәri
öz qaranlığına bürüyürdü. Vә orada, kolların arasında gizlәnәn
silah bütün bu rahatlığı pozurdu.
Mattis üçüncü dәfә qışqırmaq istәyәndә qanadların sәsini
eşitdi vә onun açıq ağzından bir sәs belә çıxmadı.
– Olmaz! – içindә nәsә gileyli, acizanә tәrzdә sәslәndi.
– Baxx! – bütün meşә boyu yayıldı. Sәs haradansa dәrinlikdәn –
Mattisin baxışlarının gedib çatmadığı yerdәn gәldi. Elә bu an
göy üzündәn bir quş bağırtısı gәldi.
– Baxx! – tәpәlәr kar sәslә әks-sәda verdi.
Mattisi sanki yerә mıxladılar. Әvvәl atәş sәsi zülmәt kimi
üstünә gәldi, sonra da vurulmuş valdşnep axşamın göy üzündәn
yıxılıb Mattisdәn ikicә addım kәnarda yerә düşdü.
Mattis hәlә dә tәrpәnә bilmirdi. Fikirlәrindә bir sәliqә-sahman
yaratmaq istәdi – amma bacarmadı. Elә bu an kolluqların arasından
bir oğlan çıxdı vә dәrhal Mattisin bәdәni zәncirdәn açılan kimi
oldu, irәli atıldı vә güllәylә vurulmuş quşu әlinә götürüb әzilmiş
lәlәklәrinә, qara gözlәrinә baxdı.
Quş da ona baxırdı.
Yox, yox, belә şeylәri ağlına gәtirmә. Belә fikirlәşmәk olmaz.
Bu quş ölüb.
Ölüb, amma niyә axı ölmәlidi?
Axı mәnә baxır.
Ovçu artıq pusqudan çıxıb yaxşı şikara görә sevinc içindә
tәlәsmәdәn Mattisә tәrәf can atırdı. Bәli, sәhәr rastına çıxan
hәmin o şәn vә güclü oğlan idi.
Mattis hәlә dә quşu әlindә saxlamışdı.
– Әla nişan aldım, elәmi? – oğlan qara, lülәsi parıltılı tüfәngini
silkәlәdi. – Elә bil ox idi, yayından çıxmışdı, amma onu görәn
kimi dәrhal hәdәfi dәqiq nişan aldım.
Mattis cavab vermәdi. Oğlan:

206