Page 200 - Tarey Vesos_Макет 1

Tarey Vesos
üstüörtülü danışmağı qәrara aldı. Onda bacısı heç nә anlamayacaq
vә onun işi yüngüllәşәcәk. Sәhәr tezdәn Xeqe qabağına yemәk
qoyanda bacısına dedi:
– İndi mәn ora-bura uçuram.
– Necә yәni? – bacısı tәmkinlә soruşdu.
– Belә.
Barmağıyla havada valdşnepin uçduğu istiqamәti göstәrdi.
Xeqe işinin başına keçmәk istәdi. O, hәmişә tәlәsirdi. Mattis
ürәyindә olanları bacısıyla bölüşmәk istәyirdi, amma Xeqenin
gözlәri bunu görmәk istәmirdi.
– Dayan, Xeqe, hәlә sәnә çox sözüm var.
– Yaxşı, tez elә.
– Bәzi şeylәr haqqında sәn, demәk olar, heç nә bilmirsәn.
Mattis bu sözlәri yumşaq tәrzdә, bir qәdәr qorxu içindә dedi:
hәr halda, qarşısındakı әn ağıllı adamlardan biriydi.
– Di onda başa sal, – bacısı xahiş etdi.
– Ora-bura uçuram, – dedi. – Sәn yuxuda olanda. Hәr gecә, –
sözünü tamamladı.
İndi bacısı ona ciddi adam kimi baxırdı. Xeqenin dilindәn
qәflәtәn qәribә bir söz çıxdı:
– Yaxşı ki sәndә bu var. Mәn belә şeylәrlә qürurlana bilmәrәm.
Bacısı ayaq üstәcә donub-qalmışdı, daha sәkkizyarpaqlı qәliz
gülünә tәrәf tәlәsib-elәmirdi. Bu gün Xeqe dә elә bir şey eşitmişdi
ki, heyrәtә gәlmişdi.
Mattis:
– Bәs necә keçinirsәn? – soruşdu vә sәhv etdi.
Bacısının kefi pozuldu, Xeqe tutulan kimi oldu, amma әslindә,
tәqsir özündәydi.
Mattisin içindә isә hәr şey tәlatümә gәlib oxuyurdu: biz
valdşneplә birik! Sәmasında gözlә görünmәyәn uçuş zolağının
keçdiyi meşәlikdәn yan ötә bilmәzdi. İndәn belә bu yol onun
yoluydu, sevinc dolu yolu. Vә yenidәn ümidlәri doğruldu. Az
sonra dayanmalı oldu.
İçindә nәsә dillәndi – sәn elә sәnsәn, hәr halda, qulağı belә
eşitdi.

200