Page 196 - Tarey Vesos_Макет 1

Tarey Vesos
Günәş hәlә gizlәnmәmişdi, tufanqabağı vaxtlarda olduğu kimi,
yenә göydәn yerә od yağdırırdı.
Mattisin arxasından hirsli siqnal sәsi gәldi vә o, kim tәrәfindәnsә
atılan daş kimi yolun kәnarına sıçradı. Maşın Mattisә çatanda
sürücü açıq pәncәrәdәn qışqırdı:
– Sәfeh, yolun düz ortasıyla da adam gedәr?!
Sәsi әsәbi vә bir az qorxmuş kimiydi. Mattis açıq pәncәrәdәn
onun bәrk hiddәtlәndiyini gördü. Heç vaxt görmәdiyi, tanımadığı
birisiydi.
Hәyәcanlı sәslә:
– Siz ölümün bir addımlığındaydız, – dedi. – Maşını güclә
saxlaya bildim. Belә ehtiyatsızlıq olmaz.
Pәncәrәnin şüşәsi qalxdı vә maşın sürәt yığaraq Mattisi
işlәnmiş qazın zәhәrli dumanına bürüdü.
Mattis qazı udub tamam kәnara çәkildi vә yoluna davam
etdi. Başa düşürdü ki, maşında olan adam bu sözlәri hamıya
deyә bilәrdi. O, sadәcә qorxmuşdu. Sürücü, yәqin, turist idi vә
kimlә danışdığını bilmirdi. Mattis bunu dәfәlәrlә tәkrarlayıb
özünü daha inamlı hiss etdi. Hә, yüz milyonlarla insan onun
haqqında heç nә bilmirdi. Onu hәmin adamlardan nәsә xoşmәramlı
bir duman ayırırdı. Belә fikirlәşmәk xoş idi: mәnim sәrsәm
olduğum xeyli insanın ağlına belә gәlmir.
İndi Mattis qaça-qaça sanki tufanla ötüşmәyә çıxmışdı.
Tәcrübәsindәn bilirdi ki, ildırım müxtәlif cür olur. Bәzisi birdәn
gәlir, bәzisi mırıldaya-mırıldaya xeyli hazırlaşandan sonra tәhlükәyә
çevrilir, bәzisi hәmişә kәnarda qalır – görünür, tamam ayrı yolla
gedir. Bu mәsәlәdә möhkәm qayda-qanun yoxdu. Bu gün tufan
özünü ağır-ağır göstәrirdi. Mattis, demәk olar, әmin idi ki, evә
vaxtında çatacaq.
Bayaq onu çәpәrin arxasından sәslәyәn qızlar gözә dәymirdilәr.
Amma tarladakı o üç nәfәr hәlә dә iş başındaydı.
Deyәsәn, qız ona әl elәdi?
Yox.
Yәqin, o qız yorulub.

196