Page 199 - Tarey Vesos_Макет 1

Quşlar
kimәsә ünvanlanmışdı. Sükut çökdü. Narahat vәziyyәt yarandı.
Vә bunun adı yox idi.
Mattis dedi:
– Mәn onu görәn kimi uçub getdi.
Bax indi, elә indi Xeqe qıcıqlandırıcı sualını verәcәk: niyә
qayıdıb gәlib, axı indi işdә olmalıydı? Yaxşısı budu, özü başlasın.
– Mәnә uyğun iş tapılmadığına görә qayıdıb gәldim. Axı
bilirdim, belә olacaq. Sonra da bir nәfәr dedi ki, indi tufan
qopacaq. Amma olmadı.
Xeqe:
– Hә, olmadı, – dillәndi.
Mattis:
– Hәm dә yolda bir tanışla rastlaşdım, – dedi.
Xeqe ona әsәbilәşmәdi, hәm dә nәsә qәribә idi. Çünki o
gözәl quş Mattisin simasında çox gözәl әks olunmuşdu.

14

Sәhәr Mattis düşüncәlәrә qәrq olmuşdu, ürәyi doluydu: bu
gün biz valdşneplә birlikdә olacağıq.
Bunun mәnasını izah edә bilmәzdi. Әslindә, ona nәsә bir
izah da lazım deyildi. Mattis yatanda evin üzәrindәki havada
valdşnepin buradan uçuşunun izlәri qalmışdı: bu gecә dә, o biri
gecәlәrdә dә. Yatmaq günah idi.
Valdşnep haqqında düşündükcә onun buralara gәlmәsinin
xoş bir әlamәt olduğuna daha çox inanırdı. Nәsә dәyişmişdi.
Budu, indi sәhәr dә, axşam da buralarda uçur, özü dә yalnız
insanlar öz evlәrinә yığılandan sonra.
Hesab elәyirdi ki, bu, xeyirliyәdi. Özü artırmada oturub bu
uçuşu doyunca izlәyә bilәrdi. Onlar valdşneplә bir idilәr.
Bu sәhәr onları yeni gün gözlәyirdi.
Valdşnep Mattisin bütün fikirlәrinә hakim kәsilmişdi. Özünü
saxlaya bilmir, yalnız ondan danışırdı. Bu, Xeqeni bezdirdi vә
Mattis bacısının heç nәyi duyub sezmәmәsi üçün valdşnep barәdә

199