Page 194 - Tarey Vesos_Макет 1

Tarey Vesos
Nәhayәt, Mattis dükana gәlib çıxdı. Әslindә, bayaqdan dükana
can atdığını yaxşı anlayırdı. Buna görә sınağa ehtiyac yox idi –
dükan düz yolun qırağında, sanki hamının düşә bilәcәyi bir
tәlәydi. Eyni zamanda sahildә yerlәşirdi vә yaxınlığında qayıqların
yan alması üçün körpü vardı.
Dükanda nabat satılırdı vә Mattis bu şirnini xoşlayırdı.
Üstәlik, özünü nә qәdәr sәfeh aparsa da, satıcı heç vaxt onu
mәsxәrәyә qoymurdu.
Vaxtın bu vәdәsindә dükanda tanışlardan kimsә yox idi,
yalnız yüngül yay geyimindә velosipedlәriylә gәlib burada mineral
su içәn üç-dörd turisti gördü. Gözlәrini onlardan çәkә bilmәsә
dә, başını çevirmәyә birtәhәr özünü mәcbur etdi. Ciblәrindә
eşәlәnib gizlәtdiyi dәmir pulu çıxardı. Laqeydcәsinә:
– On beş erelik nabat, – xahiş etdi, elә bil hәr gün aldığı bir
şey idi.
– Nanәli? – satıcı dәqiqlәşdirmәk üçün soruşdu.
Satıcı Mattisin zövqünü bilirdi vә o, buradakıların bu sözü
eşitmәsindәn xoşhallandı. O, bu qısa, adi söz üçün satıcıya
minnәtdar idi.
– Hә, hәmişәki kimi, – cavab verdi.
Amma bu gün ehtiyatda çox vacib bir sualı var idi.
– Sәn heç valdşnepin uçuş yerini dәyişmәsini eşitmisәn –
mәsәlәn, birdәn qalxıb aşağıdan, evin üstüylә uçmasını?
Qәliz sual idi, Mattis onu bütün yol uzunu әzbәrlәmişdi.
Satıcı:
– Yox, valdşnep hәmişә eyni istiqamәtdә, eyni yerdә uçur, –
dedi. Әgәr uçuş istiqamәtini dәyişibsә, demәli, quş hәlә tәzә
doğulub, sәriştәsizdi. Mәn belә güman elәyirәm.
Satıcı bu sözlәri deyә-deyә qabdan balaca qaşıqla nanәli
nabatları çıxardı. Qabın dibi qızılı rәngә çalırdı.
Mattis dilxor oldu.
– Sәn belә güman elәyirsәn?
– Hә, mәncә, elәdi. Nәdi, bu uçuşu görmüsәn?
– Hә, ancaq mәsәlә bunda deyil. Demәli, sәncә, burada
qeyri-adi bir şey yoxdu? Niyә belә danışırsan? Axı bu, xırda
mәsәlә deyil, çox vacib bir şeydi.
194