Page 198 - Tarey Vesos_Макет 1

Tarey Vesos
Mattis artıq yoldan evlәrinә tәrәf dönmüşdü. Quru ağcaqovaqlar
çılpaq budaqlarını göyә qaldırmışdı. Mattis onlara gözünün
ucuyla da baxmadı.
Bәli, hәtta onlara gözünün ucuyla da baxmadı – çünki qәflәtәn
möcüzә baş verdi vә o, dünyada olan hәr şeyi unutdu. Evdәn
azca kәnarda, cığırın üstündәki quşu gördü.
Cığırın düz ortasında iri, gözәl bir quş var idi.
Bu, tanış quşlardan deyildi. Quş başını qaldırıb evә tәrәf
gedәn Mattisә sarı çevrildi.
“Bu nәdi?” – heyrәt içindә düşündü.
Ürәyindә ona xas olmayan bir boşluq var idi. Donub-qaldı,
quş da elәcә. Bu nәdi?
Quş cığırın üstündә dayanmışdı, amma indi onu görәndәn
sonra burada qala bilmәzdi. Vә uçdu. Sәssizcә qanad çala-çala
ağacların arxasında gizlәndi. Valdşnep deyildi. Bu quş valdşnepdәn
xeyli iriydi vә qәti oxşarlıqları yox idi. Hәm dә rahatca cığırla
gәzir? “Bәlkә, nәsә olub?” – düşündü. Xeqeyә? Ağlına başqa bir
şey gәlmәdi vә dәrhal evә cumdu.
Az sonra Xeqeni bayaq onu qәsәbәyә yola saldığı hәmişәki
yerindә gördü. Artırmada oturan bacısı balaca yumaq kimiydi.
Barmaqları sürәtlә hәrәkәtdәydi, uzaqdan görünmәsә dә, belә
olduğunu bilirdi.
Mattis gözlәri bәrәlmiş halda Xeqeyә yaxınlaşdı.
– O, nә idi? – soruşdu.
Bir şey anlamayan Xeqe başını qaldırdı.
– Sәnә nә olub?
– Orada, cığırın üstündә nәsә qәribә bir quş gәzirdi, – dili
dolaşa-dolaşa dedi.
Xeqe toxumağa davam etdi. Mattis sanki millәrin hәrәkәtini
müvәqqәti saxlamaq üçün çaşqınlıq içindә:
– Mәn iri, gözәl bir quş gördüm! – dedi, – Elә buralarda,
cığırın üstündә.
– Belә de? – bacısı laqeydcәsinә cavab versә dә, hәmişәki
әsәbi yox idi – görünür, onun sәsindәn quşun, hәqiqәtәn dә,
gözәl olduğunu anlamışdı. Vә bu gözәllik bu evdә yaşayan

198