Page 183 - Tarey Vesos_Макет 1

Quşlar
11

Qızmar günәşin altında yatıb durandan sonra Mattis leş
kimiydi. Bir az özünә gәlәndә ilk gözünә dәyәn tarladakı o üç
nәfәr oldu. Hәrәsi öz lәkinin üstünә әyilib işlәyirdi. Gördüklәri
işin hәcmindәn bilinirdi ki, bir xeyli müddәtdi, buradadılar.
Onu oyatmadan getmişdilәr. Xәcalәt çәksә dә, Mattisә layiq
olduğu yeri göstәrmişdilәr. Baş verәnlәrin hәyәcanını yaşadığı
an sahibә evdәn çıxıb ona yaxınlaşdı:
– Sәni oyatmamağı mәn xahiş etdim, – dedi. – Kişi tәrpәdib
oyatmaq istәyirdi, amma elә şirin yatmışdın ki, sәnә toxunmağa
adamın ürәyi gәlmirdi. Onlar iki saat olar, tarladadı.
Mattis gözlәrini döyüb nә cavab verәcәyini bilmәdi. Bu qadın
necә dә mәrhәmәtli idi. Bu sәhәr yolunu belә qәtiyyәtlә niyә
mәhz bu evә döndәrdiyini yalnız indi anladı. O, nә vaxtsa bir
dәfә dә bu evdә olmuşdu vә sahibәnin siması hәlә dә yaddaşında
diriydi. O, bu qadını görmüşdü.
Sahibә onun bu hәrәkәtinә haqq qazandırmaq üçün:
– Yәqin, gecә pis yatmısan, – dedi.
– Hә, hә! – ucadan dedi. – Düz iki gecә yatmamışam. Bilirsiz,
bizim evin üstüylә valdşnep uçur!
Bu sözlәri elә dedi ki, hәtta sahibәni qorxu bürüdü, amma
yalnız bir anlığa – kimlә danışdığını xatırlayana qәdәr. Mattis dә
bunu dәrhal hiss etdi.
Sahibә sakitcә:
– Sәni başa düşürәm, – dedi. – Bu halda gözә yuxu gedәr?
Necә oldu ki? – tәlәsik soruşdu.
– Oldu da. Gecәyә yaxın. Sonra da bir qәribә yuxu gördüm.
İşi-gücü tökülüb qalan sahibә:
– Belә şeylәr olur, – dedi, – amma adam gәrәk öz yuxusunu
heç kimә açıb danışmasın, özündә saxlasın.
Mattis düşündü ki, o da әri kimi ağıllıdı. Hәyәcanla qızmar
günün altında işlәyәnlәrә baxdı. Sahibә onun baxışlarındakı bu
hәyәcanı tuta bildi.
– Özün de, daha çox nәyi istәyirsәn – tarlaya, onların yanına
getmәk, yoxsa mәnimlә mәtbәxә keçib bir fincan qәhvә içmәk?
183