Page 184 - Tarey Vesos_Макет 1

Tarey Vesos
Mattis dәrhal cavab verdi:
– Qәhvә daha yaxşı olar, nәsә çox lәzzәtliydi.
Sahibә:
– Mәncә, düz seçim etdin, – dedi.
Mattis haqqı danmamaq üçün:
– Düzü, iki sevgiliyә baxmaq da xoşdu, – әlavә etdi.
– Әlbәttә, amma qoy onlar öz işlәrindә olsunlar, bizsә
qәhvәmizi içәk.
– Qabaqcadan tәşәkkür edirәm, әgәr mümkünsә.
Onun ardınca mәtbәxә tәrәf gedәndә Mattis düşündü ki, әsl
qadın bax belә olmalıdı.
Qәhvә lәzzәtliydi. Sahibә Mattisdәn bacısının özü, işi-gücü
barәdә soruşdu.
– Hә, bilirsәn, elә bütün günü nәsә toxuyur.
Susdular. Yük olduğu bacısı barәdә düşünәndә ürәyi ağrıyırdı.
Bu qadını aldatmaq olmazdı:
– Bilirsiniz, mәn nә qәdәr yeyirәm, – dillәndi, – onun
qazandıqlarının hamısını.
Sahibә bu sözlәrini cavabsız qoyub, ona elә hey qәhvә
süzürdü.
Mattis:
– İndi dә görürәm, saçları ağarıb, – dedi.
Sahibә susurdu.
Mattis:
– Mәnimlә çәtindi, – әlavә elәdi.
Bu zaman sahibә qalxıb onun sözünü kәsdi:
– Belә şeylәri dilә gәtirmәzlәr, Mattis.
Dilә gәtirmәzlәr? Amma o özü Xeqe barәdә danışmağa çox
hәvәsliydi. Heç dә hәmişә әlinә belә imkan – qәhvә içә-içә onu
ağrıdan mәsәlәlәr haqqında hansısa bir qadınla söhbәt etmәk
imkanı düşmürdü.
– Yaxşı, danışmaram, – dedi.
Sәsi titrәyirdi.
Bu zaman sahibәnin qonşu otaqda işi çıxdı vә o, tәk qaldı.
Qadın qayıdıb gәlәndә Mattis qәliz vә heç dә xoş olmayan

184