Page 185 - Tarey Vesos_Макет 1

Quşlar
fikirlәrlә yüklәnmiş halda elәcә daş kimi oturub qalmışdı. Vacib
bir sual dilinin ucunda gicişirdi:
– Sizdәn bir şey soruşmaq olar?
Sahibә bir o qәdәr hәvәsli görünmәsә dә, başını tәrpәtdi:
– Soruşa bilәrsәn. Amma cavab verә bilәcәyәmmi, bax bu,
sual altındadı. Bәlkә dә, cavab verә bilmәdim.
Mattis soruşdu.
– Niyә hәr şey olduğu kimidi?
Sahibә başını yellәdi. Vәssalam. Mattis sualını tәkrarlamağa
cürәt etmәdi. O, sәbirlә gözlәyirdi. Üzdәn tәmkinliydi, içәrisindә
hәr şey bu gözlәntidәn od tutub yanırdı. Tәzәdәn qadına tәrәf
döndü. Qadın yenә başını yellәdi.
– Yenә qәhvә istәyirsәn? – soruşdu.
Mattis eyni zamanda hәm anlayır, hәm dә anlamırdı. Onu
titrәtmә tutmuşdu. Mattis büsbütün sirlәrlә dolu uçuruma baxırdı.
– Hә, hә, әlbәttә, – qәhvәylә bağlı dedi. – Amma axı, hәr
halda, valdşnep uçub-gәlmişdi, – davam edәrkәn sәsindә nәsә
bir heyrәt var idi.
Sahibә tez-tәlәsik:
– Amma bizim evin üstdә heç vaxt belә bir şey görmәmişik, –
deyib onun sözünü cavabsız qoymadığına sevindi. – Biz az da
otur, – davamını gәtirib mәtbәxdәn çıxdı vә bu ağrılı sual yenidәn
hәmişә gizlәnib qaldığı yerә, düşüncәsinin әn dәrin qatına
gömüldü.
Vaxt keçirdi. Mattis mәtbәxdә oturub qalmışdı. Sahibәyә:
– Yәqin, onlara orada çox istidi, – dedi.
Qadın yemәyi bişirib süfrәni hazırlayırdı, şam yemәyinә az
qalırdı.
– Necә bilirsәn, bәlkә, mәn dә tarlaya gedim?
– Daha gecdi. İndilәrdә qayıdıb gәlәcәklәr. Sәn narahat olma, –
Mattisin çaşqınlığını görüb әlavә etdi. – İndi getsәn, xoşlarına
gәlmәz.
Sahibәnin sәsi vә sifәtinin ifadәsi hökmlü idi. Mattis tarlada
işlәyәnlәrlә qarşılaşmaq әrәfәsindә özünü sanki iynә üstündә
hiss edirdi. Budur, qadın artırmaya çıxıb onları evә çağırdı.

185