Page 178 - Tarey Vesos_Макет 1

Tarey Vesos
Ağlından keçdi ki, gәrәk yuxusunu әvvәldәn-axıracan bu
qıza danışaydı. Peşmanlıq hissiylә:
– Vәssalam, – mızıldandı, – demәk istәdiklәrim elә bu idi.
Qız:
– Tәәssüf, – dedi.
Oğlan sanki onun da burada olduğunu bu iki nәfәrә xatırlatmaq,
hәm dә işin hәlә qurtarmadığını yadlarına salmaq üçün:
– İş başına! – dillәndi.
Bu iki çalışqan gәnc sarıdan bәxti gәtirmiş sahib yaxınlıqda
dayanıb gülümsәyirdi. Sәrsәm Mattis hesabdan deyildi, onu ciddi
qәbul etmirdilәr.
– Hә, hә, eşitdim, – qız әmrә cavabında dedi.
– İş başına! – Mattis fikrindә güclә hiss edilәcәk tәrzdә
tәkrar etdi. Bu, qızdan zarafatyana qapaz yeyәn oğlana da aid idi.
Hamı tәzәdәn işә girişdi.
Günәş get-gedә daha çox yandırırdı. Lәklәrin arasında solmağa
mәhkum alaq otları atılıb qalmışdı. Torpağın nәfәsi isinmişdi.

Mattis arxaya, sahibә baxdı. Mәgәr o, hәlә dә yorulmayıb?
Әlbәttә, yox, gör bir necә güclü, ağıllıdı. Özü tamam heydәn
düşmüşdü, susamışdı, әllәri sözünә qulaq asmırdı. Qız ona bayaq
xeyli gümrahlıq gәtirmiş, amma indi hәr şey uçub-getmiş,
öhdәsindәn gәlә bilmәdiyi iş canını almışdı. O üç nәfәr yenә
tәpәnin arxasında gözdәn itdi, tarlada bir boşluq vә qüssә yarandı.
Bir müddәt işi saxlamalı oldu, çünki tәzәdәn yerdәn alaq әvәzinә
bugün-sabah yetişәcәk yemlik şalğamları çıxarmağa başlamışdı.
Nәhayәt, tәpәni aşıb bu dәfә özünü daha tәnha hiss etdi. Elә
bil o üç nәfәr tarlanı tamam tәrk etmişdi.
Mattisin lәklәri nizamsız vә yöndәmsiz idi. O, işlәyә-işlәyә
düşünürdü: gәrәk özümә çörәk qazanım. Azca oturdu. Onu görәn
yox idi, başındakı qarma-qarışıq fikirlәr әllәrinә mane olurdu.
Hә, hәm dә yorğun halda dincәlmәk adama lәzzәt elәyir.
O üçlüyün yenidәn tәpәnin arxasından peyda olduğunu
görәndә dәhşәtә gәldi. Onlar artıq buradadı! Yöndәmsiz halda

178