Page 174 - Tarey Vesos_Макет 1

Tarey Vesos
oğlanı yaxınlıqda idi vә Mattis onunla çox danışa bilmәzdi.
Bilirdi ki, belә mәsәlәlәrdә tәmkin lazımdı. Bir az danışdın,
bәsdi.
– Mәn… – söhbәti tәzәlәmәk istәdi, amma qız artıq ona
qulaq asmırdı. Oğlanı yanındaydı vә o, qızın çılpaq ayağını
çimdiklәyәn kimi Mattis yadından çıxdı. Sanki Mattisin işlәdiyi
tәrәfdә heç vaxt heç kim olmamışdı.
Mattis artıq anlamışdı ki, yuxuda gördüklәri hәyatda olanlardan
bir az fәrqlidi. Hәyatın üzü daha sәrtdi. Yaxşı ki, söhbәtlәri elә
bununla da bitdi.
Pis olanı bu idi ki, vaxtının xeyli hissәsi bu fikirlәrin güdazına
getdi – sevgili cütlük öz lәklәrindә get-gedә onu ötmәyә başladı.
Az sonra ondan xeyli irәlidәydilәr, Mattis onların yalnız kürәklәrini
görә bilirdi. Qәflәtәn diksinib sahibә baxdı. Vә bir dә diksindi:
sahib eyni vaxtda üç lәki seyrәldirdi. Axı әvvәlcә o da hamı kimi
öhdәsinә ikisini götürmüşdü.
Mattis düşünüb-daşınmadan:
– Niyә sәn üç cәrgәni birdәn seyrәldirsәn? – soruşdu.
– Hә… – sahib nәfәsini dәrib dedi, – mәnә belә rahatdı…
nәsә belә rahatdı. – Vә iri alağı köküylә birlikdә elә dartıb
çıxardı ki, torpaq havaya dağıldı.
Artıq Mattisin beyni başqa şeylә mәşğul idi. Sahibә yaxınlaşıb
pıçıldadı:
– Mәncә, bunlar bir-birinә aşiqdi. Elә görünür, düz deyil?
Sahib başını tәrpәtdi.
– Sәn bilirdin?
Sahib dә pıçıltıyla:
– Hә. Ona görә dә hәr ikisinә iş vermişәm, – dedi vә Mattisә
göz vurdu. – Bilirsәn, mәn hәmişә yemlik şalğamların arasını
seyrәltmәyi aşiqlәrә hәvalә edirәm. Sevәn adam bu işin necә
ağır, darıxdırıcı olduğunu hiss etmir. Sәnlә mәn hara, onlar hara?
Elә deyil?
Sahib ağıllı adamıydı. Amma hәtta bu sәhәr Mattisi xoş üzlә
qarşılayıb, elә indi dә mehriban söhbәt elәsә dә, nәsә onun
yanında adamı vahimә basırdı. Yox, әşi, azca da vahimә-filan

174