Page 170 - Tarey Vesos_Макет 1

Tarey Vesos
– Demәk istәyirәm, bu gün mәndә hәr şey başqa cür olacaq.
Amma bunun sәnә dәxli yoxdu.
Qızla oğlan yerini dәyişdi, indi hәr ikisi Mattisin qabağında
dayanmışdı. Onlar baxışdılar. Mattis bu baxışlara bәlәd idi,
onlardan yaxşı nәsә gözlәmәk olmazdı.
Narahatlıqla tez-tәlәsik sahibә:
– Bu, uçuşla әlaqәlidi, – dedi.
– Uçuşla?
Mattis özünә gәlib:
– Mәgәr sәn bunun nә olduğunu bilmirsәn? – soruşdu.
Qarşısında kimin dayandığı yalnız indi sahibә çatdı, amma
artıq gec idi, sözündәn dönmәk istәmәdi.
– Valdşneplәr haqqında, tәbii ki, mәn dә eşitmişәm, – dedi. –
Amma mәncә, sәn yemlik şalğamla maraqlanırdın, elәmi? İndi
sәnә dә bir çapacaq verәcәm, ötüşә-ötüşә işlәyәcәyik.
Sahib bunu demәyi vacib bildi, susmaq olmazdı.
Mattis kifayәt qәdәr hәssas idi vә hәr şeyi dәrhal tuta bildi.
– Bәlkә, hәm dә qaça-qaça ötüşәk, – deyib güldü vә bu
gülüşü adi gülüşә oxşatmaq üçün bütün bacarığını ortaya qoydu.
Sahib әvvәl karıxdı, amma sonra o da tez-tәlәsik gülümsәdi.
– Tarlaya birinci kimin qaçıb çatacağına baxmaq istәyirsәn? –
Mattisin sözünü göydә tutub soruşdu.
Onlar әsl kişilәr kimi zarafatlaşırdılar, gah biri, gah o biri
üstün olurdu.
Sahib zarafata son verdi:
– İşqabağı nәsә bir şey yemәk istәyirsәn?
Mattis başını buladı.
– Evimizdә yemәk çoxdu.
Bu sözü deyә bilmәk necә dә yaxşıdı.
İndi ancaq işlәmәk qalırdı. Mattis çapacağını alıb hamıyla
birlikdә yemlik şalğam tarlasına yollandı. Tarla ona ucsuz-
bucaqsız göründü, sanki sonu yox idi – tәpәyә qәdәr uzanıb
gözdәn itirdi.
Mattis sahibә sarı dönüb:
– Bu qәdәr yemlik şalğam nәyinә lazımdı? – sual etdi.
Sәsindә nәsә bir narazılıq var idi.
170