Page 165 - Tarey Vesos_Макет 1

Quşlar
Mattis fikrә getdi vә sonra ucadan ağrılı sәslә:
– Niyә axı mәndә elә әzәlә yoxdu ki, dartınanda köynәyin
qolları cırılsın? – dedi.
Xeqe cavab vermәdi:
– Sәn heç vaxt mәndәn soruşmursan! – hәyәcanla davam
etdi.
– Nәyi?
– O şeyi ki, onu soruşmaq olmaz.
Xeqe kәskin tәrzdә:
– Bәsdi, sakitlәş, – dedi.
Bu, hәr ikisinin ağrılı yeriydi.
Mattis iş axtarmaq üçün qonşulara alçaldıcı müraciәtlәrini
nәzәrdә tutub:
– Sabaha qәdәr gözlәyә bilәrәmmi? – xahiş etdi. Son vaxtlar
tәmkini ona xәyanәt etsә dә, dayanıb-durduğu yerdә özündәn
çıxsa da, Xeqe mәrhәmәtli bacıydı. – Çünki bu gün bu gündü.
Başa düşürsәn?
Xeqe:
– Yaxşı, – dedi. – Qalsın sabaha.

9

Bu gün bu gün idi.
Mattis evin yanında hәrlәnirdi.
Yuxuda ona üç buta verildiyini düşünürdü: ağıl, güc, mәhәbbәt.
Mәn bu üç mәqamda fәrqliyәm. Aydın sәmalı yay sәhәrindә
evin yanında var-gәl edirdi. Әlbәttә, Xeqe indi evdә oturub
deyinir. Çünki o, iş axtarmağa getmәdi. Özü bilәr. Bu yenilik
yalnız onun özünә aid idi vә çox әhәmiyyәtliydi. Sәrin külәk vә
çox uzaqdan gәlәn qoxular Mattisi әhatәyә almışdı.
Üç buta. Özünü aldatmaq istәmirdi; sәhәr hәr üçü yenidәn
yox olmuşdu. Yalnız ayaqları altından gәlәn sәsә qulaq asanda
onları xatırladı. Elә bil tәsadüfәn alәtin dillәrinә toxunurdu vә
torpaqda gizlәnәn musiqi sәslәnmәyә başlayıb adamı heyran
edir, get-gedә daha gerçәk vә oynaq olurdu.
165