Page 163 - Tarey Vesos_Макет 1

Quşlar
– H-m! – qәflәtәn mızıldanıb başmağıyla üç dәfә döşәmәyә
vurdu.
– Nә mәsәlәdi?
– Sәnә dәxli yoxdu.
Xeqe:
– Mәncә, dәxli var, – dedi. – Üz-gözündәn görürәm, elә bil
nәyisә mәnә danışmaqdan özünü zorla saxlayırsan.
Mattis sakitcә yeyirdi. Amma daha özünü saxlaya bilmәdi:
– Adam istәsә, yuxuda hәr şeyi görә bilәrmiş, – dedi.
Xeqe bu oyuna hazır deyildi.
– Hә, demәk, yuxu görmüsәn? – soruşdu, amma әhәmiyyәtsiz
bir şey kimi soruşdu.
– H-m! – Mattis yenidәn dillәndi.
– Yaxşı, danış, görürәm, özünü zorla saxlayırsan.
Bu sözdәn sonra yuxusu Mattisә daha gerçәk, daha әhәmiyyәtli
göründü. Tәxminәn, oyaqlıq kimi.
– Nә gördüyümü danışım?
Xeqe başını tәrpәtdi.
Mattis:
– Mәn bunu elәyә bilmәrәm, – dedi vә ciddi ifadәylә ona
baxdı.
Xeqe qәtiyyәtlә:
– Demәli, elә bir әhәmiyyәtli şey deyil, – dedi vә qәhvәdandan
qәhvә süzdü. İndi bacısının fikri başqa yerdәydi.
Mattis:
– Nәcib adamlar mәnim yuxuda gördüyüm şeylәri danışmazlar, –
dedi. – Bunu bil.
– Belә de!
– Mәni sorğu-suala çәkmәyin xeyri yoxdu. Gәrәk bilәsәn.
Xeqe azca da maraq göstәrmәdi. Bu sözlәri bir qulağından
alıb, o birindәn buraxdı:
– Yaxşı, yadında saxla ki, yuxu tәrsinә yozulur. İnsan yuxuda
hәyatda olmayacaq şeylәri görür.
– Düz deyil! – Mattis sәslәndi.

163