Page 158 - Tarey Vesos_Макет 1

Tarey Vesos
Vidalaşanda oxuyaq. Elә bil içindә nәsә ona belә dedi. Yox,
oxumadı. Amma bu sözlәr musiqiyә uyğun gәlirdi: axşam bitdi.
Çoxlu görüşlәrdә, adamlarla bir yerdә olmuşam, belә şeylәri
bilirәm.
Axşam bitdi. Valdşnep öz sevgilisini tapdı.
Mattis başını qaldırıb uçuşu gördüyü göy üzünә baxdı: işıqlı
zolaqlar uzanırdı. Düz evlәrinin üstüylә.
Bәlkә dә, gözlәri onu aldadırdı, amma orada, yuxarıda nәsә
dәyişmişdi, göy üzü әvvәlki kimi deyildi. Sәhәr yenә uçuş olacaq,
axşamkı kimi qiyamәt uçuş. Vә onu Xeqe dә görәcәk, hәtta
bunun üçün öz bacısını artırmaya pәrçimlәmәli olsa belә.
Yuxuya gedә-gedә fikirlәşirdi ki, indi hәr şey başqa cür
olacaq. O, eynilә körpә kimi, qatlanıb-açılan divanında büzüşüb
uzanmışdı.
Mәn dә başqa cür olacam?
Bu fikirdәn canına istilik gәldi.

7

Mattis uçuşu öz yuxusuna gәtirdi. Kimin iradәsiylә? Bu, әsas
deyildi, әsas olan yuxunun gözәlliyi idi. İlk öncә – hәlә nәsә
görmәzdәn әvvәl ona xәbәrdarlıq olundu:
– Biz uçub gәlmişik, uçub gәlmişik! Sәn buradasan?
Mattis cavabında, “әlbәttә, buradayam”, deyә bilәrdi.
“Bu, çox uzun çәkdi, Mattis, amma artıq hәr şey dәyişdi”.
Qulağına haradansa nәvaziş dolu sәs gәldi.
Hә, dәyişdi. Damın üstündә, evin üzәrindәn xeyli yüksәkdә,
hәr tәrәfdә işıqlı zolaqlar. Vә Mattisin qulağına gәlәn sәs, mәhz
arzuladığı sәs. Ev dәrhal büsbütün yenilәşdi.
Mattis:
– Amma әsas ev deyil, – dedi.
Bәli, әsas olan ev yox, Mattisin özüydü. İşıqlı zolaqlar içindәn
keçib onu tanınmaz dәrәcәdә dәyişmişdi. Sağ әlini әyib yeni

158