Page 155 - Tarey Vesos_Макет 1

Quşlar
Hay-küylә onun yataq otağına cumdu.
Bu, sәfehlik idi. Xeqe çoxdan yerinә girib, yәqin, yuxuya da
getmişdi. Onu oyatmaq heç yerinә düşmәdi. Bacısının sәsi sәrt
idi:
– Yenә nә olub?
Mattis dolmuş ürәyini, heç olmasa, bircә kәlmәylә boşaltmağa
macal tapmamış, üstünә qışqırdı. Mattis bu sәsә yaxşı bәlәd idi.
Әlbәttә, o, tappıltıyla otağa soxulanda bacısı yatmışdı. Amma o,
başqa şeylәrә dә – bunun ardınca olacaqlara da bәlәd idi. Xeqe
qıcıqlandırıcı sualının ağırlığını azaltmaq üçün günahkar tәrzdә
öskürdü.
– Mattis, nә istәyirsәn? – sakit, yorğun vә itaәtkar halda
soruşdu.
Mattisdә olan xәbәrlәr әndazәsiz idi – hәtta nәdәn başlayacağını
belә bilmirdi. Hәr şeyi olduğu kimi danışmalıydı.
– Evimizin üstündә valdşnep uçur! – tәmkinlә dillәndi.
Xeqenin çarpayısının yanında dayanmış Mattis özünü, az
qala, yad kimi hiss edirdi.
Bacısı onun coşqusunu dәrhal tuta bildi. Qürurdan vә heyrәtdәn
qardaşının dili dolaşırdı. Amma üstünә qaçıb bәyan elәdiyi
möcüzәlәr Xeqeyә yaxşı bәlli idi. Onlar dәrhal möcüzәlikdәn
çıxıb solurdular.
Bacısı sakitcә dedi:
– Valdşnep uçur? Lap gözәl. Get yat, Mattis.
O sarsıldı.
Bacısı onun sifәtindәki çaşqınlığı görüb:
– Get vә yat, – yavaşca tәkrarladı.
Mattis ümidsiz halda donub-qalmışdı.
– Dediklәrimi eşitmәdin? Valdşnep uçuş istiqamәtini dәyişib,
indi bizim evin üstüylә uçur! Bax elә indi. Sәn çarpayıda uzandığın
vaxt.
Xeqe әvvәlki kimi qımıldanmadı, üzünün ifadәsi dә әvvәlki
kimiydi.
– Mәn hәr şeyi eşitdim. Nә olsun? Nәdәn axı valdşnep bizim
evin üstüylә uçmasın?

155