Page 152 - Tarey Vesos_Макет 1

Tarey Vesos
Bircә mәni atma! – başında qövr edәn bu lal fikirlә öz
yatağına çәkilәn Xeqeyә müraciәt etdi. Sәnin, ya mәnim başıma
nә gәlsә belә, bircә mәni atma!
Bu, heç dә yeni fikir deyildi, amma hәr dәfә ona yeni görünür
vә әzab verirdi. Hәr dәfә bu fikri qovur vә özünә tәlqin edirdi ki,
belә bir şey heç vaxt baş verә bilmәz. Xeqe bir dәfә dә, bir
kәlmәy lә belә, onu atacağına işarә etmәmişdi. Nәyә görә bu cür
fikir lәrlә özünә әzab vermәliydi?
Amma bu mәnzәrә gözünün qabağından çәkilmirdi. Xeqenin
yolla gedә-gedә ondan uzaqlaşdığını görürdü. Bacısı öz әşyalarını
qoltuğundakı bağlamada aparırdı.
Gedirsәn?
Hә, Mattis.
Bu cür hәyatdan yoruldun?
Hә, Mattis.
Vә getdi.
Belәcә, Xeqe daha onun sözlәrini eşitmәdi, get-gedә
balacalaşaraq, xırda qara nöqtәyә çevrildi – elә uzaqda da xırda
nöqtә kimi donub-qaldı. Görünür, hәr halda, bu kәdәrli hәyatdan
tamam itib qeyb olmaq istәmәdi.
Elә bu vaxt möcüzә baş verdi.
Mattis artırmada hәmişәki yerindә oturub Xeqenin öz yoluyla
necә getdiyinә baxa-baxa fikrә dalarkәn nәzәrlәri gölün arxasında
qaralan tәpәdә gәzişirdi. Su indi tamam qara, tәpәlәr tünd vә
kәdәrli görünürdü. Göydә vә yerdә sirli-sehrli yay toranlığı hökm
sürürdü. Mattis onu әhatә elәyәn gözәlliklәrә biganә deyildi.
Onların evi tәpәdәn düz gölә qәdәr dayaz bataqlıq dәrәdә
yerlәşirdi. İynәyarpaqlı meşәyә çinar vә ağcaqovaqlar da özünü
qatmışdı. Dәrәnin altından çeşmә axırdı. Hәrdәn Mattisә elә
gәlirdi ki, bura yaxınlıqda gördüyü bütün yerlәrdәn әn gözәlidi.
Bәlkә, elә indi dә bu barәdә düşünürdü. Hәr halda, gözünü
qırpmadan uzaqlara baxa-baxa, get-gedә adını bilmәdiyi zәrif
nәyәsә çevrilәn toranlığı müşahidә edirdi.
Gözlәmәdiyi şey dә elә bu an baş verdi.
Ağcaqovaqların gecәnin qaranlığında qaralan quru başlarına
baxa-baxa düşünürdü ki, külәk bu tәrәfә, demәk olar, gәlib
152