Page 153 - Tarey Vesos_Макет 1

Quşlar
çatmır. Amma aralarında nәsә bir әlaqә var idi. Hava elә şәffaf
idi ki, Mattisә elә gәlirdi, onun tәrpәnişlәrini görür. Külәk nәdi,
hәtta sapsağlam ağcaqovaqların bir yarpağı da tәrpәnmirdi.
Qәflәtәn qәribә, zәrif bir sәs doğuldu. Anlaşılmaz çağırış.
Mattis başı üzәrindә – havada aramla vә hәyәcanla çırpınan
qanadların sәsini duydu. Vә yenidәn aciz quş dilindә zәif çağırış.
Düz evin üstündәn nәsә uçub keçdi.
Vә hәm dә düz Mattisin içindәn. O, lal heyranlıq içindә
yorğun, karıxmış halda oturub qalmışdı.
Bәlkә, bu, nәsә qeyri-tәbii qüvvәdi?
Yox, әsl tәbii qüvvә, amma…
Bu quş valdşnep idi. Günün bu vәdәsindә belә bir şey tәsadüf
ola bilmәzdi. Bәli, Mattisin evi üzәrindә uçan valdşnep idi.
Nә vaxtdan?
Ötәn illәrdә orada uçan yox idi. Hәr halda, ötәn illәr Mattisin
yaddaşında belә qalmışdı. O, demәk olar, hәr gün artırmada
xeyli oturur, әgәr bu tәrәflәrdә uçuş olsa, gözdәn qaçıra bilmәzdi.
Bu axşam valdşnep düz evin, Mattisin, Xeqenin üzәrindә
uçurdu. İndәn belә o quş hәr sәhәr, hәr axşam burada uçacaq.
Mattis evlәrini nәsә dәyişmiş kimi gördü, çünki indi ona
başqa gözlәrlә baxırdı. Bu sanki onun dünyasının hüdudlarından
xeyli kәnarda baş verәn qeyri-adi uçuşuydu. Vә o uçuş bu gün
buradaydı, sadәcә, kefi belә istәmişdi.
Bәlkә, gözünә görünür? Mattis bilirdi ki, onda belә şeylәr
olur. Maraqlıdı, uçuş bir yerdәn başqa yerә köç elәyә bilәrmi?
O, belә bir şey eşitmәmişdi. Vә nәdәn axı valdşnep mәhz
buranı seçmәliydi?
Mattis nәfәsini çәkib gözlәyirdi. Әgәr bu, doğrudan da, çәkici
qüvvәdirsә, demәk, valdşnep indicә qayıdacaq. Çünki axşamın
çәkici qüvvәsinin davam etdiyi bir elә uzun olmayan müddәtdә
quş eyni yerin üstüylә o baş-bu başa uçur. Mattis bunu bilirdi.
Sübh tezdәn valdşnepi yenә eyni yer özünә çәkir. Bu barәdә ona
bir ovçu danışmışdı. Mattis hәrdәn qurumuş gölmәçәlәrdә dimdik
vә onun da yanında quş pәncәsinin incә izlәrini görürdü.
Gözlәnti içindә donub-qalmışdı. Ona elә gәlirdi, vaxt çox
uzanır. Tәrәddüdlәri artırdı.
153