Page 156 - Tarey Vesos_Макет 1

Tarey Vesos
Mattis bacısını anlamadı. Elә bil o, nәsә yad bir dildә danışırdı.
– Sәncә, bunun heç bir mәnası yoxdu? Sәn nә vaxtsa vald -
şneplәrin uçuş yerini dәyişdiyini eşitmisәn? Valdşneplәrin adamların
başı üzәrindә uçduğunu eşitmisәn?
Xeqe yüngülcә çiyinlәrini çәkdi.
– Hardan bilim?
– Әlbәttә, sәn hardan bilәsәn. Dur, dur geyin, artırmaya
çıxaq.
– Artırmaya? Bu gecә vaxtı?
– Hә. Bu uçuşu sәn dә görmәlisәn.
– İstәmirәm.
– Görmәlisәn! Valdşnep hәlә dә uçur – sәnin üçün bu uçuş
heç nә olsa da…
Xeqe tәzәdәn böyrü üstә çevrildi, bunun ona dәxli yox idi.
Yorğun-yorğun әsnәdi:
– Әlbәttә, uçan quşa baxmaq sәnin üçün maraqlıdı, – dedi, –
mәn başqa vaxt baxaram. Әgәr uçuşun istiqamәti indi buradırsa,
daha dәyişәn deyil, elәmi?
Mattis ağzıaçıq vәziyyәtdә ona baxırdı.
– Әgәr uçuşun istiqamәti indi buradısa, daha dәyişәn deyil, –
tәşvişlә tәkrarladı. – Özü dә bu sözlәr sәndәn yox, әn ağıllı
adamdan çıxır – qeyri-ixtiyari dedi.
O, dilxor olmuşdu.
Xeqe:
– Bununla nә demәk istәyirsәn? – soruşdu.
Gözlәri hәlә dә bacısına zillәnmişdi:
– Demәk, sәn onda heç nә anlamırsan, – qәtiyyәtlә dedi.
Mattis kefi pozulmuş, dilxor halda onun çarpayısının yanında
dayanmışdı.
Xeqe onun әlindәn tutdu. Mattis başa düşdü ki, bu, bacısının
ona dostluq işarәsidi. Amma bu anlarda Xeqenin necә yorğun,
әzgin halda olduğunu görmürdü. Bacısı yuyulmaqdan rәngi
getmiş gecә köynәyindә ona baxmadan üzü divara uzanmışdı,
ona baxmırdı.
– Uçuşdan sabah danışarıq. İndi get yat. Yaxşı?

156