Page 161 - Tarey Vesos_Макет 1

Quşlar
hava quşların nәğmәsiylә nәfәs almışdı, indi isә bütün varlığını
tәrpәtdi. Bu, ovsun idi.
Qız tәrpәnәndә nә baş verdiyini anlamadı. Bunun adı yox
idi. Qız yalnız ona yaxın gәlmәklә kifayәtlәndi. Axşamın uçuşundan
doğulmuş, lap yaxınında olan bu mәxluq ona mәnsub idi.

8

Adәti üzrә, ilk әvvәl Xeqe qalxdı. Mattis dә oyanmışdı,
amma hәlә dә uzanılı halda yuxusunun tәsirindәn çıxa bilmirdi.
Xeqenin otağından gәlәn addım sәslәrini eşitdi. Nәhayәt, bacısı
çıxdı. Mattis tez üzünü divara çevirib özünü yatmış kimi göstәrdi.
Dünәn axşam necә ayrıldıqlarını nәzәrә alsaq, bu, әn düzgün
hәrәkәt idi.
Xeqe özünü elә apardı ki, guya heç nә sezmәyib. Vә mәtbәxә
keçdi. Bacısı dolmuş bulud kimiydi. Bununla belә, dәrhal iş
başına keçdi. Birazdan öyrәncәli olduqları sәhәr sәslәri – bıçaq
vә fincanların cingiltisi eşidildi.
Mattis sanki buludlarda gәzә-gәzә düşünürdü ki, daha hәr
şey başqa cür olacaq. Geyinib özünü qaydaya saldı. Artıq özünü
fәrqli hiss edirdi. Elә bil axşamın uçuşu vә gecәnin yuxusu, iki
güclü әl kimi, hәr iki tәrәfindәn tutub onu aparırdı. Mattis qulaq
asdı: bәlkә, bu gün dә nәsә xüsusi bir hadisә baş verәcәk. İndi
hәr şeyin dönüb-dәyişdiyi bir vaxtda onu qeyri-adi bir söz, yaxud
hansısa sevinc gözlәyә bilәrdi.
Yox, hәlә ki bir şey yoxdu. Amma bu gün bundan әvvәlki
saysız-hesabsız günlәrә bәnzәyә bilmәz. Gәrәk özü nәsә bir
hәrәkәt etsin.
Mәtbәxin qapısı ağzında dayanıb Xeqeyә:
– Qızıldan qiymәtli, – dedi.
Salamlaşmaq әvәzinә, köhnә zәrb-mәsәlin birinci hissәsindәn
istifadә elәmәk istәdi: “Sәhәrçağı qızıldan qiymәtlidi”.
Amma tәrәddüd keçirdi. Gözüyaşlı Xeqenin sifәti yaddaşında
hәlә dipdiriydi. Anlayırdı ki, bacısının üzünü divara çevirib
ağlamağı ona görәdi.
161