Page 154 - Tarey Vesos_Макет 1

Tarey Vesos
Amma yox, artıq evin әks istiqamәtindә uçan quşun tutqun
cizgilәri, qanadları görünür. Bu uçuş yenidәn meşәliyin üstünü
örtәn yüngül toranlığın içindә әriyib itdi.
Mattis hәyәcanla dedi:
– Hәr halda, bu, çәkici qüvvәdi!
Bu sözü nәyә görә dediyini özü dә bilmәdi. Amma heç
olmasa, nәsә demәli, ya etmәliydi … özü dә burada onu eşidәn
kimdi?..
Uzun vә cansıxıcı gözlәnti, nәhayәt, başa çatdı – onda belә
bir hiss vardı.
İlk öncә ürәyindәn bütün bunları Xeqeyә danışmaq keçdi.
Buradan birbaşa onun yanına qaçmaq istәdi. Yatıb, yatmayıb,
özü bilәr, hamısından xәbәri olmalıydı… Amma özünü әlә aldı.
Әgәr gördüklәrinin hamısı gerçәkdisә, valdşnep indilәrdә bura
üçüncü dәfә qayıdacaq. Mattis buna o qәdәr әmin idi ki, üçüncü
uçuşu gözlәmәyә qәrar verdi. O, xoşbәxtcәsinә gözlәyirdi.
Әgәr onu üçüncü dәfә dә görsәm, Xeqeni inandıra bilәcәm.
Hamı mәnә inanmağa mәcbur olacaq.
Ay! – yenә.
Bir daha bayaqkı kimi – çırpılan qanadlar, toranlıqda sürәtlә
sürüşәn kölgә vә ola bilsin, heç kimin eşitmәdiyi möcüzәli,
yorğun sәsli çağırış. Sonsuzluqdan bura, düz onların damı üsünә
gәlәn çağırış. Demәk, bu, gerçәkmiş. Mattis bütün şübhәlәrә son
qoyub qәti әmin oldu. Özünü başqalaşmış kimi hiss elәdi.
Xeqe isә yatıb.
İndi bacısı da başqa adam olacaq.

6

Xeqe yatıb. O Xeqe ki cürbәcür sәkkizyarpaqlı güllәri, adamın
әyninә qutu kimi oturan bütöv bir koftanı ildırım sürәtiylә
toxuyur. Amma indi Mattis evdә, hәqiqәtәn dә, bacısının әsas
adam olduğuna әmin deyildi. Bu dәqiqәlәrdә özünü birinci
görmәyә meyilliydi.

154