Page 169 - Tarey Vesos_Макет 1

Quşlar
üçün bir bәhanә axtarıb tapmalıdılar. Mattis bu evlәri bir-bir
ötürürdü. Ona elә gәlirdi ki, hәr evin yanından keçdikcә oranın
sahibi rahat nәfәs alır.
Amma çәtin ki, onlar nә vaxtsa mәn görәn yuxunu görә
bilsinlәr. Bu fikirdәn әhvalı xoş olurdu.
Yaddaşında xeyli tәhqiramiz xatirәlәr yaşayırdı vә hәr biri
fәrqli idi. O, bu gün yoluna çıxan cavan oğlanlardan bәzilәri ilә
birlikdә işlәmişdi vә bunu xatırlayanda istәr-istәmәz baxışlarını
yerә dikmәli olurdu. Elә oğlanlar da ondan yan keçmәyә tәlәsirdilәr,
sanki Mattislә onları, unutmaq istәdiklәri ümumi bir mәğlubiyyәt
bağlayırdı.
Bu gün, yәqin, hәr şey başqa cür olacaq. Xeqe bunu bilir, elә
mәn dә bilirәm.
Fikirlәşdi ki, elә buradan evә qayıtsın. Hәlә ötәn ildәn
yadlarında qaldığım sahәlәrә gedә bilmәrәm.
Amma qәribәdi, yenicә bunu fikirlәşsә dә, әksini elәdi.
Dönüb birbaş evlәrdәn birinә tәrәf yollandı. Nә sәbәbә? Beynindә
bir xatirә oyanmışdı. Mәhz bu evlә onu heç bir tәhqiramiz hadisә
bağlamırdı.
Bәlkә, bu gün nәsә onu burada saxlaya bildi?
Mattis elә döngәdәcә evin sahibiylә üz-üzә gәldi. Sahib dә,
yanındakı oğlanla qız da әllәrindә çapacaq dayanıb-durmuşdular;
onlar tarladakı yemlik şalğamları doğrayıb seyrәklәşdirmәyә
hazırlaşırdılar. Mattis onları yalnız üz-üzә gәldiklәri vaxt gördü –
sifәti qәflәtәn qarşılarında peyda oldu.
Tәşvişlә baxan nәzәrlәrini sahibdәn çәkmәdәn tez-tәlәsik:
– Xoş gördük, sizdә mәnim üçün bir iş tapılar? – soruşdu.
Bircә çox fikirlәşmәsin. Elә dayanmaq istәyirdi ki, hәmin o
iki cavan arxasında qalsın.
Sahib dә onun kimi çox fikirlәşmәdәn:
– Yemlik şalğamları doğraya bilirsәnsә, tapılar.
Mattis әvvәl ağzını açdı, sonra ağızdolusu gülümsәdi.
– Belә dә bilirdim, – dedi. – Әgәr artıq hәr şey dәyişibsә,
demәk, belә dә olmalıydı.
– Bununla nә demәk istәyirsәn?

169